PL 163, col. 1003

persolventes, se suaque omnia Domino et S. Sacerdoti
commendaverunt. Quos etiam abeuntes, et propositum
iter agentes, quidam maligni comprehendentes,
in quoddam municipium adduxerunt, et loris
durissimis manus post terga religaverunt, eorumque
pedes compedibus ferreis constrinxerunt.
Qui cum triduo detinerentur, et multorum tormentorum
generibus macerarentur, S. Sacerdotis auxilium
invocare coeperunt. Adfuit eis clementia miserantis
Domini, sui servi pulsata precibus; et ecce
tertia nocte subito vincula dissolvuntur, eorum pedes
relaxantur, et captivi crudeli custodia liberantur: