PL 168, col. 495
Commentaria in duodecim prophetas minores (Rupertus Tuitiensis), J. P. Migne
apostolicis testimoniis, vel aliqua probabili ratione
confirmare potuerunt. Sequitur: Et erunt reliquiae
Jacob in gentibus, in medio populorum multorum,
quasi leo in jumentis silvarum, et quasi catulus
leonis rugiens in gregibus pecorum, qui dum transierit
et conculcaverit et ceperit, non est qui eruat.
Quam diversarum, quam longe dissimilium rerum
similitudines eisdem reliquiis Jacob hic ascriptae
sunt! Dixerat, et erunt reliquiae Jacob quasi ros a
Domino, et quasi stillae super herbam, et continuo
nunc dicit, et erunt reliquiae Jacob quasi leo in jumentis
silvarum, et quasi catulus leonis rugiens in
gregibus pecorum. Quid magis dissimile quam suavitas
roris a feritate leonis? Quid magis diversum
quam lenitas stillarum stillantium super herbam,
saevitia vel impetu catuli leonis rugientis in gregibus
pecorum? Attamen eisdem reliquiis Jacob, et suavitas
roris sive lenitas stillarum, et feritas leonis sive
impetus catuli leonis aeque per similitudinem ascribitur
hic. Quare? Videlicet, quia magistri populorum
sive gentium apostoli Christi et lenes et severi
sunt, lenes in docendo sive exhortando, severi in
corripiendo et ulsciscendo. Exempli gratia: Paulus
ubi docet inter caetera, sic loquitur: Quoniam quidem
Deus erat in Christo, mundum reconcilians sibi,
et posuit in nobis verbum reconciliationis. Pro Christo
ergo legatione fungimur, tanquam Deo exhortante
per nos. Obsecramus pro Christo, reconciliamini
Deo [(II Cor. V)]
. Quid isto rore dilectionis suavius,
quid hac stilla verae et germanae pietatis lenius?
Caetera quoque usque ad id, os nostrum patet ad vos,
o Corinthii, cor nostrum dilatatum est [(II Cor. VI)]
, talia
sunt stillicidia vel talis ros, ut nemo, qui dubitet
quin sit a Domino Patre misericordiarum et totius
consolationis Deo. At vero idem post plurima dicit: Ecce tertio, hoc venio ad vos. In ore duorum, vel
trium testium stabit omne verbum. Praedixi enim et
praedico ut praesens vobis et nunc absens iis qui ante
peccaverunt, et caeteris omnibus, quoniam si venero
iterum non parcam. An experimentum quaeritis ejus,
qui in me loquitur Christus?
[(II Cor. XIII.)]
Ecce severitas
magistri tanquam leonis rugitus super jumenta
silvarum, et tanquam catuli leonis super
gregem pecorum. Nam jumenta silvarum recte illos
aestimamus, quos redarguebat super immunditia et
fornicatione, et impudicitia quam gesserunt. Nonne
super hujusmodi quasi leo fuit? Ait enim: Et vos
inflati estis, et non magis luctum habuistis, ut tollatur
de medio vestrum qui hoc opus fecit, id
est qui uxorem patris habuit. Ego quidem absens
corpore, praesens autem spiritu, jam judicavi ut praesens
eum qui sic operatus est, in nomine Domini nostri
Jesu Christi, congregatis vobis et meo spiritu
cum virtute Domini Jesu, tardere hujusmodi Satanae
in interitum carnis, ut spiritus salvus sit in die Domini [(I Cor. V)]
.
Porro quasi greges pecorum ejusmodi
fuerunt, qualibus veluti conterritis ad rugitum catuli
leonis gratulatur et dicit: Quoniam et si contristavi
vos in Epistola, non me poenitet. Et si ad horam vos
confirmare potuerunt. Sequitur: Et erunt reliquiae
Jacob in gentibus, in medio populorum multorum,
quasi leo in jumentis silvarum, et quasi catulus
leonis rugiens in gregibus pecorum, qui dum transierit
et conculcaverit et ceperit, non est qui eruat.
Quam diversarum, quam longe dissimilium rerum
similitudines eisdem reliquiis Jacob hic ascriptae
sunt! Dixerat, et erunt reliquiae Jacob quasi ros a
Domino, et quasi stillae super herbam, et continuo
nunc dicit, et erunt reliquiae Jacob quasi leo in jumentis
silvarum, et quasi catulus leonis rugiens in
gregibus pecorum. Quid magis dissimile quam suavitas
roris a feritate leonis? Quid magis diversum
quam lenitas stillarum stillantium super herbam,
saevitia vel impetu catuli leonis rugientis in gregibus
pecorum? Attamen eisdem reliquiis Jacob, et suavitas
roris sive lenitas stillarum, et feritas leonis sive
impetus catuli leonis aeque per similitudinem ascribitur
hic. Quare? Videlicet, quia magistri populorum
sive gentium apostoli Christi et lenes et severi
sunt, lenes in docendo sive exhortando, severi in
corripiendo et ulsciscendo. Exempli gratia: Paulus
ubi docet inter caetera, sic loquitur: Quoniam quidem
Deus erat in Christo, mundum reconcilians sibi,
et posuit in nobis verbum reconciliationis. Pro Christo
ergo legatione fungimur, tanquam Deo exhortante
per nos. Obsecramus pro Christo, reconciliamini
Deo [(II Cor. V)]
. Quid isto rore dilectionis suavius,
quid hac stilla verae et germanae pietatis lenius?
Caetera quoque usque ad id, os nostrum patet ad vos,
o Corinthii, cor nostrum dilatatum est [(II Cor. VI)]
, talia
sunt stillicidia vel talis ros, ut nemo, qui dubitet
quin sit a Domino Patre misericordiarum et totius
consolationis Deo. At vero idem post plurima dicit: Ecce tertio, hoc venio ad vos. In ore duorum, vel
trium testium stabit omne verbum. Praedixi enim et
praedico ut praesens vobis et nunc absens iis qui ante
peccaverunt, et caeteris omnibus, quoniam si venero
iterum non parcam. An experimentum quaeritis ejus,
qui in me loquitur Christus?
[(II Cor. XIII.)]
Ecce severitas
magistri tanquam leonis rugitus super jumenta
silvarum, et tanquam catuli leonis super
gregem pecorum. Nam jumenta silvarum recte illos
aestimamus, quos redarguebat super immunditia et
fornicatione, et impudicitia quam gesserunt. Nonne
super hujusmodi quasi leo fuit? Ait enim: Et vos
inflati estis, et non magis luctum habuistis, ut tollatur
de medio vestrum qui hoc opus fecit, id
est qui uxorem patris habuit. Ego quidem absens
corpore, praesens autem spiritu, jam judicavi ut praesens
eum qui sic operatus est, in nomine Domini nostri
Jesu Christi, congregatis vobis et meo spiritu
cum virtute Domini Jesu, tardere hujusmodi Satanae
in interitum carnis, ut spiritus salvus sit in die Domini [(I Cor. V)]
.
Porro quasi greges pecorum ejusmodi
fuerunt, qualibus veluti conterritis ad rugitum catuli
leonis gratulatur et dicit: Quoniam et si contristavi
vos in Epistola, non me poenitet. Et si ad horam vos