PL 169, col. 16
De glorificatione Trinitatis (Rupertus Tuitiensis), J. P. Migne
totum absconditum vel clausum est invidentibus.
CAPUT III.
Quomodo vel qualibus thesaurus ejusmodi in tali
agro absconditus sit, et a qualibus cito possit inveniri.
Diximus quo in agro thesaurus iste absconditus
sit, scilicet, gloriosa distinctio personarum S. Trinitatis:
jam dicendum quomodo illic absconditus sit.
Utrumque etenim demonstrare supra propositum est,
et quo in agro, 3 et qualiter absconditus sit. Non
longe pro bac demonstratione exemplum petatur.
Praesens enim adest idoneum, si respicias unde
dixerit: « Dominus narrabit in Scripturis populorum [(Psal. LXXXVI)] .
» Utique dices mihi quod hoc
dixerit de illo quod sub interrogatione praemiserat,
dicens hoc modo: « Nunquid Sion dicet homo, et
homo natus est in ea, et ipse fundavit eam Altissimus? » [(ibid.)]
Quo modo, vel in quantum haec
portio magna thesauri absconditi, hoc talentum
magni ponderis, hoc sacramentum Incarnationis ad
solam pertinens personam Filii, absconditum est in
agro saepe dicto, sic vel in tantum et non occultius
ibidem mysterium totius Trinitatis absconditum est.
Solis enim indignis, invidere et non videre volentibus,
sic fuit absconditum, ut inveniri non posset dum
quaereretur, et porcis bona margarita non conculcanda
non objiceretur. Proinde dicit: « O Sion,
nunquid dicit homo iste, et homo natus est in ea, »
subauditur civitate sua, de qua praemisit: « Gloriosa
dicta sunt de te, civitas Dei [(ibid.)] . » -- « et ipse fundavit
eam Altissimus. » Nunquid, inquam, dicet hoc homo,
scilicet quispiam totus terrenus, qualis est judaeus
vel haereticus? Subauditur non, hoc namque dicere
deorum est, et omnium filiorum Excelsi [(Psal. LXXXI)] ,
quod hic homo qui natus est in sancta Sion, quae
una civitas est omnium sanctorum atque electorum
angelorum et hominum, priusquam in ea nasceretur,
« ipse fundavit eam Altissimus. » Non hoc dicet
homo, non intelliget quis, deditus sensui terreno.
Ergo thesaurus absconditus. Similiter de omnibus
sacramentis et distinctione personarum sanctae
Trinitatis, qui thesaurus magnus est; sciendum quia
modus absconsionis talis est, ut homo infidelis non
inveniat: deorum autem vel filiorum Excelsi multitudo
fidelis cito apprehendat.
CAPUT IV.
Quod non in una parte agri, sed per totum agrum
sacrae Scripturae thesaurus iste, et indignis absconditus,
et a dignis sit inventus, vel cito inveniatur.
Qua tandem in parte, vel quibus in partibus agri
thesaurus iste absconditus debet inveniri? Nam
fortassis hoc quispiam putet, quod in parte seu in
partibus, et non in toto agro thesaurus iste absconditus
vel demonstrandus sit. Ad haec inquam: Non in
partibus, sive per partes, sed in toto, vel per totum,
per omnes terminos agri hujus, thesaurus iste absconditus
jamdudum inventus et adhuc inveniendus
CAPUT III.
Quomodo vel qualibus thesaurus ejusmodi in tali
agro absconditus sit, et a qualibus cito possit inveniri.
Diximus quo in agro thesaurus iste absconditus
sit, scilicet, gloriosa distinctio personarum S. Trinitatis:
jam dicendum quomodo illic absconditus sit.
Utrumque etenim demonstrare supra propositum est,
et quo in agro, 3 et qualiter absconditus sit. Non
longe pro bac demonstratione exemplum petatur.
Praesens enim adest idoneum, si respicias unde
dixerit: « Dominus narrabit in Scripturis populorum [(Psal. LXXXVI)] .
» Utique dices mihi quod hoc
dixerit de illo quod sub interrogatione praemiserat,
dicens hoc modo: « Nunquid Sion dicet homo, et
homo natus est in ea, et ipse fundavit eam Altissimus? » [(ibid.)]
Quo modo, vel in quantum haec
portio magna thesauri absconditi, hoc talentum
magni ponderis, hoc sacramentum Incarnationis ad
solam pertinens personam Filii, absconditum est in
agro saepe dicto, sic vel in tantum et non occultius
ibidem mysterium totius Trinitatis absconditum est.
Solis enim indignis, invidere et non videre volentibus,
sic fuit absconditum, ut inveniri non posset dum
quaereretur, et porcis bona margarita non conculcanda
non objiceretur. Proinde dicit: « O Sion,
nunquid dicit homo iste, et homo natus est in ea, »
subauditur civitate sua, de qua praemisit: « Gloriosa
dicta sunt de te, civitas Dei [(ibid.)] . » -- « et ipse fundavit
eam Altissimus. » Nunquid, inquam, dicet hoc homo,
scilicet quispiam totus terrenus, qualis est judaeus
vel haereticus? Subauditur non, hoc namque dicere
deorum est, et omnium filiorum Excelsi [(Psal. LXXXI)] ,
quod hic homo qui natus est in sancta Sion, quae
una civitas est omnium sanctorum atque electorum
angelorum et hominum, priusquam in ea nasceretur,
« ipse fundavit eam Altissimus. » Non hoc dicet
homo, non intelliget quis, deditus sensui terreno.
Ergo thesaurus absconditus. Similiter de omnibus
sacramentis et distinctione personarum sanctae
Trinitatis, qui thesaurus magnus est; sciendum quia
modus absconsionis talis est, ut homo infidelis non
inveniat: deorum autem vel filiorum Excelsi multitudo
fidelis cito apprehendat.
CAPUT IV.
Quod non in una parte agri, sed per totum agrum
sacrae Scripturae thesaurus iste, et indignis absconditus,
et a dignis sit inventus, vel cito inveniatur.
Qua tandem in parte, vel quibus in partibus agri
thesaurus iste absconditus debet inveniri? Nam
fortassis hoc quispiam putet, quod in parte seu in
partibus, et non in toto agro thesaurus iste absconditus
vel demonstrandus sit. Ad haec inquam: Non in
partibus, sive per partes, sed in toto, vel per totum,
per omnes terminos agri hujus, thesaurus iste absconditus
jamdudum inventus et adhuc inveniendus