PL 204, col. 233
Epistolae (Henricus de Castro Marsiaco), J. P. Migne
Sequentes epistolas quatuor Chesnius evulgavit Script. rer. Franc. t. IV, p. 485.
XXVI. Ad episcopum Cabilonensem.--Gratulatoria.
Convaluit in Domino spiritus meus vestrae felicis
promotionis auspicio, quam utique acceptabilem
Deo, salubrem vobis, Ecclesiae utilem, et utrique
nostrum arbitror esse communem. Nam in nobis si
ad charitatis respicitur unionem, ego ipse quodammodo
intelligor esse promotus, qui vestrae dilectionis
glutino mediante in corde uno et anima una vestrae
sum paternitati conjunctus. Ideoque attributae vobis
coelitus dignitati felices processus, et successus
uberes, imprecamur, optantes ut eam sibi non privatus
ambitus, sed publicus debeat vindicare profectus,
deturque per illam nobis de justitiae semine
laetitiae manipulos portare. Quod utique, divina
praeeunte gratia, hac vobis ratione continget, si prodesse
magis assueveritis quam praeesse, et quodam
aemulatoriae imitationis obtentu sollicitum vos
praedecessoris vestri praestiteritis successorem: cui
sic exuberaverit pietatis liberalitas in egenos, ut
praesto semper esset justitiae severitas in tyrannos.
Confido ego, charissime, hoc ipsum vobis ex divina
provisione collatum, ut ei succederetis in opus sollicitudinis,
cujus tam vitae quam actionis exemplum
vobis esset speculum sanctitatis. Gerenda est ergo
vobis ecclesiarum tutela, cura pauperum, defensatio
pupillorum. Talibus enim hostiis promeretur
Deus. Et quoniam quod plus est cordi magis instat
affectui, Altecumbae nostrae memoriam facimus specialem,
pro illa preces, sed pro illa intercessiones
utiles effundendo, ut curam ejus, quam ego omnino
non possum deponere, vos, si placet vestris affectibus,
imponatis; remota prorsus ambiguitate
scientes quod mihi specialiter erit exhibitum quidquid
ei fuerit de gratia et vestri favore patronatus
impensum.
XXVII. Ad eumdem.--Ut in electione Cisterciensi sibi adsit.
Necessitas amicum probat, et intimae charitatis
ardorem splendor exhibitae subventionis elucidat.
Si quando igitur, vel nunc maxime nobis vestrae
dilectionis experimenta praebebitis, cum et nos urget,
et vestrae imminet Clarevalli, in quo et ei et
nobis animi vestri benevolentiam demonstretis.
Angit enim nos vehementer, nec dubium omnino
quin angat, Cisterciensis electionis instantia, ne
dum a multis magnisque personis matris dignitati
concurritur, in jacturam et dispendium filiae recurratur,
instantibus utique fratribus domus ipsius,
ut qui Tolosani turbinis fluctus integra rate nos
enavigasse putavimus, in portus nostri finibus naufragemur.
Rogamus ergo vos, et tanta necessitate
conclamante deposcimus, quatenus, relictis curis
XXVI. Ad episcopum Cabilonensem.--Gratulatoria.
Convaluit in Domino spiritus meus vestrae felicis
promotionis auspicio, quam utique acceptabilem
Deo, salubrem vobis, Ecclesiae utilem, et utrique
nostrum arbitror esse communem. Nam in nobis si
ad charitatis respicitur unionem, ego ipse quodammodo
intelligor esse promotus, qui vestrae dilectionis
glutino mediante in corde uno et anima una vestrae
sum paternitati conjunctus. Ideoque attributae vobis
coelitus dignitati felices processus, et successus
uberes, imprecamur, optantes ut eam sibi non privatus
ambitus, sed publicus debeat vindicare profectus,
deturque per illam nobis de justitiae semine
laetitiae manipulos portare. Quod utique, divina
praeeunte gratia, hac vobis ratione continget, si prodesse
magis assueveritis quam praeesse, et quodam
aemulatoriae imitationis obtentu sollicitum vos
praedecessoris vestri praestiteritis successorem: cui
sic exuberaverit pietatis liberalitas in egenos, ut
praesto semper esset justitiae severitas in tyrannos.
Confido ego, charissime, hoc ipsum vobis ex divina
provisione collatum, ut ei succederetis in opus sollicitudinis,
cujus tam vitae quam actionis exemplum
vobis esset speculum sanctitatis. Gerenda est ergo
vobis ecclesiarum tutela, cura pauperum, defensatio
pupillorum. Talibus enim hostiis promeretur
Deus. Et quoniam quod plus est cordi magis instat
affectui, Altecumbae nostrae memoriam facimus specialem,
pro illa preces, sed pro illa intercessiones
utiles effundendo, ut curam ejus, quam ego omnino
non possum deponere, vos, si placet vestris affectibus,
imponatis; remota prorsus ambiguitate
scientes quod mihi specialiter erit exhibitum quidquid
ei fuerit de gratia et vestri favore patronatus
impensum.
XXVII. Ad eumdem.--Ut in electione Cisterciensi sibi adsit.
Necessitas amicum probat, et intimae charitatis
ardorem splendor exhibitae subventionis elucidat.
Si quando igitur, vel nunc maxime nobis vestrae
dilectionis experimenta praebebitis, cum et nos urget,
et vestrae imminet Clarevalli, in quo et ei et
nobis animi vestri benevolentiam demonstretis.
Angit enim nos vehementer, nec dubium omnino
quin angat, Cisterciensis electionis instantia, ne
dum a multis magnisque personis matris dignitati
concurritur, in jacturam et dispendium filiae recurratur,
instantibus utique fratribus domus ipsius,
ut qui Tolosani turbinis fluctus integra rate nos
enavigasse putavimus, in portus nostri finibus naufragemur.
Rogamus ergo vos, et tanta necessitate
conclamante deposcimus, quatenus, relictis curis