PL 51, col. 98

Carmen de ingratis (Prosper Aquitanus), J. P. Migne

Ipsa tamen proprium germen damnando necaret,
Ore malam exstinguens sobolem, quam protulit ore.
Tunc etiam Bethlei praeclari nominis hospes,
Hebraeo simul et Graio, Latioque venustus
Eloquio, morum exemplum, mundique magister
HIERONYMUS, libris valde excellentibus hostem
Dissecuit, noscique dedit quo turbine veram
Vellent exortae lucem obscurare tenebrae.
Quid loquar, et curam magna quam gessit in urbe
Constantinopoli, docto bonus ore sacerdos
ATTICUS, antiqua legatos haereticorum
Confutando fide? De qua tunc impia corda,
Quamvis se obducta tegerent velamine forma