PL 96, col. 239
Sermones (Auctor incertus (Hildefonsus Toletanus)), J. P. Migne
Hodie, dilectissimi fratres, natalitia beatae Mariae
celebramus; et jam sinceris vestris meritis ac precibus
adjuvemur, quatenus ipsa intervenire dignetur,
ut et ego vos solemniter exhortari queam ad profectum
salutis vestrae, vosque devote percipere valeatis,
ut simul nos omnes in ejus laudibus digni inveniamur.
Non enim ab omnipotente Deo tam effectus
tantarum rerum quam voluntas requiritur. Et ideo,
ut credo, pro bona voluntate, dilectissimi, praestabit
vires loquendi, quas imperitia denegat, qui et vobis
plenissime gratiam intelligendi dedit, quoniam laeti
ad ejus festivitatem devotique celebrandam occurrimus,
ante cujus torum olim multitudo coelestis exercitus
decantavit: Gloria in excelsis Deo, et in terra
pax hominibus bonae voluntatis [(Luc. II, 14)]
. Quapropter
sit nobis bona voluntas in affectu, erit pro certo
Dei adjutorium in proventu, ut et competenter intelligere
possimus quam laudamus, et laudare religiose
Virginem, cujus hodie solemnia colimus. Ante cujus
torum profecto quo puer reclinatur in stabulo, invitant
nos, ut dixi, angeli canentes: Gloria in excelsis
Deo, ut insinuent vocibus quod idem qui natus est in
carne, Deus et homo est. Et quia Deus est, gloria in
excelsis, ubi peccatum non est, sed perpetua laus
amplior praedicatur; quod autem idem homo, in terris,
ubi seditio et bella sunt indesinenter, propter reconciliationem
Mediatoris pax hominibus bonae voluntatis
nuntiatur, ac sic unus idemque Christus
utrumque complectitur. Et ideo sursum in coelis non
minuitur gloria superiorum civium, sed augetur; nec
deorsum in terris propter discordias frustratur pax
hominibus bonae voluntatis, sed praestatur. Propter
quod ad hujus cunas infantiae, quas angeli frequentant,
invitat nos sanctorum prophetarum chorus, imo
et sapientia Dei Patris invitat nos, et Spiritus sanctus:
Ante torum, inquiunt, hujus Virginis frequentate nobis
dulcia cantica dramatis. Dramaton enim, charissimae,
genus est carminis, quo genere Cantica Canticorum
edita leguntur. En jubemur, ut charitas amplior commendetur,
eo genere canendi dulcia cantica in hujus
celebramus; et jam sinceris vestris meritis ac precibus
adjuvemur, quatenus ipsa intervenire dignetur,
ut et ego vos solemniter exhortari queam ad profectum
salutis vestrae, vosque devote percipere valeatis,
ut simul nos omnes in ejus laudibus digni inveniamur.
Non enim ab omnipotente Deo tam effectus
tantarum rerum quam voluntas requiritur. Et ideo,
ut credo, pro bona voluntate, dilectissimi, praestabit
vires loquendi, quas imperitia denegat, qui et vobis
plenissime gratiam intelligendi dedit, quoniam laeti
ad ejus festivitatem devotique celebrandam occurrimus,
ante cujus torum olim multitudo coelestis exercitus
decantavit: Gloria in excelsis Deo, et in terra
pax hominibus bonae voluntatis [(Luc. II, 14)]
. Quapropter
sit nobis bona voluntas in affectu, erit pro certo
Dei adjutorium in proventu, ut et competenter intelligere
possimus quam laudamus, et laudare religiose
Virginem, cujus hodie solemnia colimus. Ante cujus
torum profecto quo puer reclinatur in stabulo, invitant
nos, ut dixi, angeli canentes: Gloria in excelsis
Deo, ut insinuent vocibus quod idem qui natus est in
carne, Deus et homo est. Et quia Deus est, gloria in
excelsis, ubi peccatum non est, sed perpetua laus
amplior praedicatur; quod autem idem homo, in terris,
ubi seditio et bella sunt indesinenter, propter reconciliationem
Mediatoris pax hominibus bonae voluntatis
nuntiatur, ac sic unus idemque Christus
utrumque complectitur. Et ideo sursum in coelis non
minuitur gloria superiorum civium, sed augetur; nec
deorsum in terris propter discordias frustratur pax
hominibus bonae voluntatis, sed praestatur. Propter
quod ad hujus cunas infantiae, quas angeli frequentant,
invitat nos sanctorum prophetarum chorus, imo
et sapientia Dei Patris invitat nos, et Spiritus sanctus:
Ante torum, inquiunt, hujus Virginis frequentate nobis
dulcia cantica dramatis. Dramaton enim, charissimae,
genus est carminis, quo genere Cantica Canticorum
edita leguntur. En jubemur, ut charitas amplior commendetur,
eo genere canendi dulcia cantica in hujus