AAS 1 (1909), p. 759
CONFRATERNITAS IMMACULATAE CONCEPTIONIS AC DEFUNCTORUM IN DIOECESI
NUSCANA DECORATUR TITULO ARCHISODALITATIS AD HONOREM.
PIUS PP. x
Ad perpetuam rei memoriam. — Pias sodalitates ad pietatis et christianae
caritatis opera exercenda institutas, quae tum vetustate, tum sodalium
numero ac frequentia, tum susceptorum operum laude prae ceteris
commendantur, Romanorum Pontificum decessorum Nostrorum vestigiis
insistentes, perhonorificis titulis ornare satagimus. Iamvero, cum Nuscanae
dioecesis Vicarius capitularis supplices Nobis preces humiliter adhibuerit,
ut confraternitatem, titulo Immaculatae Conceptionis ac Defunctorum illa in
dioecesi iam inde ab anno MD, uti asseritur, erectam, ad archisodalitatis
gradum evehere, de apostolica benignitate, dignaremur; Nos, probe noscentes,
societatem ipsam, actuoso provehendae religionis studio florere, votis
his annuendum, quantum in Domino possumus, existimavimus. Quae cum
ita sint, amplissimis etiam suffragiis permoti Cardinalis sacrae Congregationi
Concilii Praefecti, confraternitatem ab Immaculata Conceptione et a
Defunctis, in dioecesi Nuscana institutam, apostolica Nostra auctoritate,
praesentium vi, perpetuumque in modum, titulo honoris tantum, ad archisodalitatis
dignitatem provehimus, quin tamen facultate polleat cognomines
societates sibi aggregandi. Decernentes, praesentes litteras, firmas, validas
et efficaces semper exsistere et fore, suosque plenarios et integros effectus
sortiri et obtinere, illisque, ad quos spectat et in posterum spectabit, in
omnibus et per omnia plenissime suffragari, sicque in praemissis per
quoscumque iudices ordinarios et delegatos iudicari et definiri debere,
atque irritum esse et inane, si secus super his a quoquam, quavis auctoritate,
scienter vel ignoranter contigerit attentari. Non obstantibus in contrarium
facientibus quibuscumque.
Datum Romae apud S. Petrum sub anulo Piscatoris, die xxxi Iulii MCMIX,
Pontificatus Nostri anno sexto.
L. © S. R. CARD. MERRY DEL VAL, a secretis Status.
NUSCANA DECORATUR TITULO ARCHISODALITATIS AD HONOREM.
PIUS PP. x
Ad perpetuam rei memoriam. — Pias sodalitates ad pietatis et christianae
caritatis opera exercenda institutas, quae tum vetustate, tum sodalium
numero ac frequentia, tum susceptorum operum laude prae ceteris
commendantur, Romanorum Pontificum decessorum Nostrorum vestigiis
insistentes, perhonorificis titulis ornare satagimus. Iamvero, cum Nuscanae
dioecesis Vicarius capitularis supplices Nobis preces humiliter adhibuerit,
ut confraternitatem, titulo Immaculatae Conceptionis ac Defunctorum illa in
dioecesi iam inde ab anno MD, uti asseritur, erectam, ad archisodalitatis
gradum evehere, de apostolica benignitate, dignaremur; Nos, probe noscentes,
societatem ipsam, actuoso provehendae religionis studio florere, votis
his annuendum, quantum in Domino possumus, existimavimus. Quae cum
ita sint, amplissimis etiam suffragiis permoti Cardinalis sacrae Congregationi
Concilii Praefecti, confraternitatem ab Immaculata Conceptione et a
Defunctis, in dioecesi Nuscana institutam, apostolica Nostra auctoritate,
praesentium vi, perpetuumque in modum, titulo honoris tantum, ad archisodalitatis
dignitatem provehimus, quin tamen facultate polleat cognomines
societates sibi aggregandi. Decernentes, praesentes litteras, firmas, validas
et efficaces semper exsistere et fore, suosque plenarios et integros effectus
sortiri et obtinere, illisque, ad quos spectat et in posterum spectabit, in
omnibus et per omnia plenissime suffragari, sicque in praemissis per
quoscumque iudices ordinarios et delegatos iudicari et definiri debere,
atque irritum esse et inane, si secus super his a quoquam, quavis auctoritate,
scienter vel ignoranter contigerit attentari. Non obstantibus in contrarium
facientibus quibuscumque.
Datum Romae apud S. Petrum sub anulo Piscatoris, die xxxi Iulii MCMIX,
Pontificatus Nostri anno sexto.
L. © S. R. CARD. MERRY DEL VAL, a secretis Status.