AAS 13 (1921), p. 491
LITTERAE APOSTOLICAE
A VICARIATU APOSTOLICO NATALENSI SEPARATUR PARS TERRITORII AD MERIDIEM
VERTENS, IN EAQUE ERIGITUR VICARIATUS APOSTOLICUS DE MARIANNHILL,
DESCRIPTIS SEDULO CONFINIIS.
BENEDICTUS PP. XV
Ad perpetuam rei memoriam. — Ex hac Principis Apostolorum
cathedra, tamquam e sublimi specula, in omnes, vel longo terrarum
marisque spatio dissitas, catholici orbis regiones, oculos mentis Nostrae
convertimus, et quae rei sacrae procurationi melius gerendae faciant
longinquis illis in plagis, ea sollicito studio decernere maturamus. Iamvero,
cum opportunum visum sit consilium, ut in ea Africae meridionalis
regione ubi actualis vicariatus apostolicus Natalensis exsistit, quo
uberiores valeant proferri fructus in evangelizandis praesertim aborigenis,
ab eodem Natalensi vicariatu nimis amplo certa quaedam territorii
pars seiungatur in separatum novum vicariatum apostolicum erigenda,
Nos, omnibus rei momentis attente perpensis cum VV. FF. NN.
S. R. E. Cardinalibus negotiis Propagandae Fidei praepositis, haec quae
infrascripta sunt statuenda censuimus. Nimirum a vicariatu apostolico
Natalensi, Apostolica Nostra auctoritate, praesentium vi, separamus eam
territorii plagam quae ad meridiem vertit, ubi iamdiu missionarii e monasterio
de Mariannhill adlaboraverunt, in eaque plaga sic separata novum
apostolicum vicariatum de Mariannhill appellandum constituimus. Novus
autem hic vicariatus sequentibus confiniis, e marino litore Basutoland
versus, a Natalensi vicariatu separetur. Scilicet districtus de Durban,
prope mare, Natalensi vicariatui relinquatur; proximi vero districtus de
Richmond ea pars novo vicariatui tribuatur quae est ad meridiem fluminis
Umlaas; inde a puncto ubi dictum flumen Umlaas primas scaturigines
habet, limes per lineam rectam procedat ad confinia districtus
de Pietermaritzburg ; exinde vero meridionalia confinia eiusdem districtus
de Pietermaritzburg ac postea confinia septentrionalia districtus de
Impendechle utrumque vicariatum dividant. Tandem fines extremi ad
meridiem spectantes a flumine Kei (Kei River) constituantur, ita ut tota
illa pars provinciae de Capo, quae Kaffraria dicitur, novo vicariatui adiungatur.
Praeterea novo vicariatui pertinebit statio de Mariannhill intra
fines vicariatus Natalensis, in qua domus princeps exsistit Congregationis
A VICARIATU APOSTOLICO NATALENSI SEPARATUR PARS TERRITORII AD MERIDIEM
VERTENS, IN EAQUE ERIGITUR VICARIATUS APOSTOLICUS DE MARIANNHILL,
DESCRIPTIS SEDULO CONFINIIS.
BENEDICTUS PP. XV
Ad perpetuam rei memoriam. — Ex hac Principis Apostolorum
cathedra, tamquam e sublimi specula, in omnes, vel longo terrarum
marisque spatio dissitas, catholici orbis regiones, oculos mentis Nostrae
convertimus, et quae rei sacrae procurationi melius gerendae faciant
longinquis illis in plagis, ea sollicito studio decernere maturamus. Iamvero,
cum opportunum visum sit consilium, ut in ea Africae meridionalis
regione ubi actualis vicariatus apostolicus Natalensis exsistit, quo
uberiores valeant proferri fructus in evangelizandis praesertim aborigenis,
ab eodem Natalensi vicariatu nimis amplo certa quaedam territorii
pars seiungatur in separatum novum vicariatum apostolicum erigenda,
Nos, omnibus rei momentis attente perpensis cum VV. FF. NN.
S. R. E. Cardinalibus negotiis Propagandae Fidei praepositis, haec quae
infrascripta sunt statuenda censuimus. Nimirum a vicariatu apostolico
Natalensi, Apostolica Nostra auctoritate, praesentium vi, separamus eam
territorii plagam quae ad meridiem vertit, ubi iamdiu missionarii e monasterio
de Mariannhill adlaboraverunt, in eaque plaga sic separata novum
apostolicum vicariatum de Mariannhill appellandum constituimus. Novus
autem hic vicariatus sequentibus confiniis, e marino litore Basutoland
versus, a Natalensi vicariatu separetur. Scilicet districtus de Durban,
prope mare, Natalensi vicariatui relinquatur; proximi vero districtus de
Richmond ea pars novo vicariatui tribuatur quae est ad meridiem fluminis
Umlaas; inde a puncto ubi dictum flumen Umlaas primas scaturigines
habet, limes per lineam rectam procedat ad confinia districtus
de Pietermaritzburg ; exinde vero meridionalia confinia eiusdem districtus
de Pietermaritzburg ac postea confinia septentrionalia districtus de
Impendechle utrumque vicariatum dividant. Tandem fines extremi ad
meridiem spectantes a flumine Kei (Kei River) constituantur, ita ut tota
illa pars provinciae de Capo, quae Kaffraria dicitur, novo vicariatui adiungatur.
Praeterea novo vicariatui pertinebit statio de Mariannhill intra
fines vicariatus Natalensis, in qua domus princeps exsistit Congregationis