AAS 14 (1922), p. 369

APOSTOLICAE SEDIS

COMMENTABIUM OFFICIALE

ACTA PII PP. XI

CONSTITUTIO APOSTOLICA

BRACARENSIS

DISMEMBRATIONIS ET INSTITUTIONIS NOVAE DIOECESEOS VILLAE REGALENSIS

PIUS EPISCOPUS

SERVUS SERVORUM DEI

AD PERPETUAM REI MEMORIAM

Apostolica Praedecessorum Nostrorum sollicitudo in animarum
salutem assequendam eos semper induxit ad curandum ut ecclesiastica
orbis catholici circumscriptio temporum rerumque condicionibus apte
responderet.
Cum itaque archidioecesis Bracharensis, in Lusitania, latissime pateret
et christifideles provinciae civilis vulgo Traz-os-Montes ob accessus
difficultates ad longinquam episcopalem sedem, non sine gravi incommodo
negotia religiosa agere valerent, hodiernus Archiepiscopus Brachare
nsis ab Apostolica Sede enixe postulavit ut nova in illa provincia
institueretur dioecesis, loco saltem illarum quas fel. rec. Leo Papa XIII,
Praedecessor Noster, per Apostolicas sub plumbo Litteras Gravissimum
Christi Ecclesiam die trigesima mensis septembris anni millesimi octingentesimi
octuagesimi primi datis, temporum necessitatibus compulsus,
suppresserat.
Quum autem haec novae dioeceseos erectio fidelium commoditati
et animarum bono suffragari videretur, fel. rec. Benedictus Papa XV,
Praedecessor etiam Noster, preces sibi oblatas benigne excepit; sed,