AAS 23 (1931), p. 477

VI

IUSIURANDUM PRAESTANDUM A IUDICE SUBDELEGATO

Ego N., a Revmo Dno Ordinario N., subdelcgatus iudex instructor (vel
deputatus ut vices geram iudicis instructoris) in processu super nullitate sacrae
ordinationis vel onerum a sacerdote N. susceptorum, iuro me officium
iudicis instructoris rite ac fideliter impleturum, servatis, quantum per
me fieri poterit, praescriptionibus Cod. iur. can., ac potissimum Regulis
a S. C. de disciplina Sacramentorum editis, quavis personarum acceptione
posthabita, et secretum servaturum. Sic me Deus adiuvet, et haec sancta
Dei Evangelia, quae manibus meis tango.

VII

IUSIURANDUM DEFENSORIS SACRAE ORDINATIONIS

Ego N. a Revmo Domino Ordinario J¥. defensor sacrae ordinationist
legitime deputatus (vel defensor substitutus), pro instruendo processu super
nullitate sacrae ordinationis vel onerum ei inhaerentium sac. N. N.,
iuro me munus mihi collatum diligenter et incorrupte expleturum, iuxta
praescriptiones Cod. iur. can. et Regulas a S. C. de disciplina Sacramentorum
editas; et omnia voce ac scriptis prolaturam, quae ad validitatem
sacrae ordinationis huiusque onera tuenda, conferri poterunt, posthabito
omni humano respectu, atque officii mei secretum religiose servaturum.
Sic me Deus adiuvet, etc.

VIII

IUSIURANDUM AB ALIIS OFFICIALIBUS PRAESTANDUM

Ego N., iuro me munus actuarii (seu actuarii substituti) in processu
super nullitate sacrae ordinationis vel onerum ei inhaerentium sac. N. N.
mihi ab Illmo et Revmo Domino Ordinario N. commissum, rite ac fideliter,
iuxta praescriptiones Cod. iur. can. atque Regulas S. C. de disciplina
Sacramentorum, in omnibus expleturum, et de rebus, quas ratione mei
officii cognovero, secretum omnimode servaturum. Sic me Deus adiuvet,
etc.

IX

DECRETUM PRO CITATIONE ACTORIS

Anno Domini..., die... mensis..., in aedibus palatii episcopalis..., coram
Revmo D. N. Iudice..., Rev. D. N. defensore sacrae ordinationis, meque
infrascripto actuario ;