AAS 27 (1935), p. 92

ACTA OFFICIORUM

PONTIFICIA COMMISSIO

AD CODICIS CANONES AUTHENTICE INTERPRETANDOS

RESPONSA AD PROPOSITA DUBIA

Emi Patres Pontificiae Commissionis ad Codicis canones authentice
interpretandos, propositis in plenario coetu quae sequuntur dubiis, responderi
mandarunt ut infra ad singula:

I - DE COLLATIONIBUS MORALIBUS

D. An inter curam animarum habentes, de quibus in canone 131 § 3,
recensendi sint religiosi sacerdotes, qui munere funguntur catechistae,
vel vicarii cooperatoris, vel cappellani a parocho dependentia in nosocomiis
aliisque piis domibus- ..;
R. Negative quoad religiosos catechistas; affirmative quoad religiososi
vicarios cooperatores vel cappellanos, si, ad normam canonis 476 § 6
Codicis I. C, vicem parochi suppleant eumque adiuvent in universo paroeciali
ministerio.

I I - D E CONFESSIONE RELIGIOSARUM

D. Utrum verba: loco legitime destinato, de quibus in interpretatione
diei 24 novembris 1920 ad canonem 522, intelligenda sint tantum de loco
habitualiter designato, an etiam de loco per modum actus designato vel
ad normam canonis 910 § 1 electo.
B. Negative ad primam partem, affirmative ad secundam.

III - DE ANNO NOVITIATUS

D. I. An indultum apostolicum requiratur ut annus canonicus novitiatus,
de quo in canone 555 § 1 n. 2, transferri possit in secundum novitiatus
annum iuxta § 2 eiusdem canonis.