AAS 29 (1937), p. 263
LAHORENSIS
A DIOECESI LAHORENSI IN INDIIS ORIENTALIBUS TERRITORII PARS SEIUNGATUR
ET NOVA EXINDE PRAEFECTURA APOSTOLICA « DE MULTAN» ERIGITUR.
PIUS EPISCOPUS
SERVUS SERVORUM DEI
AD PERPETUAM REI MEMORIAM
Quo apostolici Missionalium labores ad catholicam religionem latius
per orbem propagandam faciliores evadant et uberiores afferant fructus,
procul dubio valde prodest amplissimum plerumque in partibus infidelium
ecclesiarum circumscriptionum territorium dividere et exinde novas
constituere Missiones, aliorum Evangelii praeconum curis concredendas.
Lubenti itaque animo annuendum censuimus venerabilis Fratris Hectoris
Catry, Dioecesis Lahorensis in Indiis Orientalibus Episcopi, et dilecti
Filii Ordinis Praedicatorum Magistri Generalis precibus, a venerabili
Fratre Leone Petro Kierkels, Archiepiscopo titulari Salaminensi et Delegato
Apostolico in Indiis Orientalibus, commendatis, quibus ab hac
Apostolica Sede enixe effiagitatum est, ut a Lahorensis Dioecesis territorio
partes illas, in quas iam inde ab anno millesimo nongentesimo
trigesimo primo, praefato eiusdem Dioecesis Antistite postulante, Evangelii
operarii ex Fratrum Praedicatorum Ordine missi, laetos fidei
progressus. Deo auctore, adepti sunt et solida religionis iecerunt fundamenta,
seiungerentur et in novam Praefecturam Apostolicam erigerentur.
Nos igitur, de venerabilium Fratrum Nostrorum S. R. E. Cardinalium
S. Congregationi de Propaganda Fide praepositorum consilio, ac
suppleto, quatenus opus sit, quorum intersit vel eorum qui sua interesse
praesumant consensu, de apostolicae potestatis plenitudine, a Dioecesis
Lahorensis territorio civiles districtus de Dera Ghazi Khan cum Buoch
Trans Frontier, Muzaffargarth, Jhang, Multan, Montgomery, Lyalpur,
Dera Ismail Khan et insuper civile circumdarium (Tahsil) de BhaJákar
ac Dominium de Bahawalpur seiungimus, ex quo territorio ita avulso et
circumscripto novam erigimus et constituimus Praefecturam Apostolicam
de Multan, ab eiusdem nominis urbe, appellandam, eamque Ordini
Praedicatorum, cuius alumni, ut iam diximus, in regione illa sollerter
adlaborant, ad Nostrum tamen et Apostolicae Sedis beneplacitum, concredimus.
Huic autem novae Praefecturae de Multan eiusque pro tem-
A DIOECESI LAHORENSI IN INDIIS ORIENTALIBUS TERRITORII PARS SEIUNGATUR
ET NOVA EXINDE PRAEFECTURA APOSTOLICA « DE MULTAN» ERIGITUR.
PIUS EPISCOPUS
SERVUS SERVORUM DEI
AD PERPETUAM REI MEMORIAM
Quo apostolici Missionalium labores ad catholicam religionem latius
per orbem propagandam faciliores evadant et uberiores afferant fructus,
procul dubio valde prodest amplissimum plerumque in partibus infidelium
ecclesiarum circumscriptionum territorium dividere et exinde novas
constituere Missiones, aliorum Evangelii praeconum curis concredendas.
Lubenti itaque animo annuendum censuimus venerabilis Fratris Hectoris
Catry, Dioecesis Lahorensis in Indiis Orientalibus Episcopi, et dilecti
Filii Ordinis Praedicatorum Magistri Generalis precibus, a venerabili
Fratre Leone Petro Kierkels, Archiepiscopo titulari Salaminensi et Delegato
Apostolico in Indiis Orientalibus, commendatis, quibus ab hac
Apostolica Sede enixe effiagitatum est, ut a Lahorensis Dioecesis territorio
partes illas, in quas iam inde ab anno millesimo nongentesimo
trigesimo primo, praefato eiusdem Dioecesis Antistite postulante, Evangelii
operarii ex Fratrum Praedicatorum Ordine missi, laetos fidei
progressus. Deo auctore, adepti sunt et solida religionis iecerunt fundamenta,
seiungerentur et in novam Praefecturam Apostolicam erigerentur.
Nos igitur, de venerabilium Fratrum Nostrorum S. R. E. Cardinalium
S. Congregationi de Propaganda Fide praepositorum consilio, ac
suppleto, quatenus opus sit, quorum intersit vel eorum qui sua interesse
praesumant consensu, de apostolicae potestatis plenitudine, a Dioecesis
Lahorensis territorio civiles districtus de Dera Ghazi Khan cum Buoch
Trans Frontier, Muzaffargarth, Jhang, Multan, Montgomery, Lyalpur,
Dera Ismail Khan et insuper civile circumdarium (Tahsil) de BhaJákar
ac Dominium de Bahawalpur seiungimus, ex quo territorio ita avulso et
circumscripto novam erigimus et constituimus Praefecturam Apostolicam
de Multan, ab eiusdem nominis urbe, appellandam, eamque Ordini
Praedicatorum, cuius alumni, ut iam diximus, in regione illa sollerter
adlaborant, ad Nostrum tamen et Apostolicae Sedis beneplacitum, concredimus.
Huic autem novae Praefecturae de Multan eiusque pro tem-