AAS 4 (1912), p. 473

24 iunii. — Titulari ecclesiae episcopali Lamiensi sac. Ioannem
Me Intyre, canonicum theologum metropolitanae ecclesiae Birmingamiensis,
quem constituit Auxiliarem revmi Eduardi Ilsley, archiepiscopi
Birmingamiensis.
28 iunii. — Titulari ecclesiae episcopali Azotensi sac. Ioannem
Iosephum McCort, archidioecesis Philadelphiensis, ibidem vicarium
generalem, quem constituit Auxiliarem revmi Edmundi Prendergast,
archiepiscopi Philadelphiensis.
— Titulari ecclesiae episcopali Philippopolitanae sac. Georgium
Gauthier, ecclesiae metropolitanae Marianopolitanae canonicum et parochum,
quem constituit Auxiliarem revmi Pauli Bruchèsi, archiepiscopi
Marianopolitani.

I.

DECRETUM.

LIMITES PRAEFECTURAE APOSTOLICAE DE ZAMBESE AD ORIENTEM INNOVENTUR.

Quo melius orientales limites Praefecturae apostolicae de Zambese
definirentur et contermini Vicariatus Nyassae territorium opportunius
determinaretur, Emi Patres S. huius Consilii christiano Nomini Propagando,
in plenariis comitiis die 24 vertentis mensis habitis, praedictos
Praefecturae limites innovandos ac proferendos esse censuerunt, sequentia
ad orientem confinia statuentes : territorium Lusitanicum Mozambicae
usque ad XV latitudinis meridionalis gradum, deinde Luangwa, Lukasashi
et Mlembo flumina usque ad angulum meridio-orientalem Congi Belgici.
Quam sententiam ab infrascripto S. huius Congregationis Secretario
Ssmo D. N. Pio div. prov. PP. X in audientia eiusdem diei relatam,
Sanctitas Sua in omnibus adprobare ratamque habere dignata est, atque
praesens ea de re Decretum confici mandavit.
Datum Romae, ex aedibus S. C. de Prop. Fide, die 28 iunii anni 1912.

Fr. H. M. CARD. GOTTI, Praefectus.

C. Laurenti, Secretarius.