AAS 6 (1914), p. 179
IL
ERECTIO PRAEFECTURAE APOSTOLICAE TOGONENSIS IN AFRICA AEQUATORIALI
IN VICARIATUM APOSTOLICUM.
PIUS PP. x
Ad futuram rei memoriam. — Divinitus commissum Nobis supremi
Apostolatus officium postulat, ut in omnes vel longo terrarum marisque
spatio dissitas christiani orbis plagas oculos mentis Nostrae convertimus,
eaque sedulo studio praestemus, quae rei sacrae provehendae
opportuna magis sint, et catholici nominis incremento conducant. Iamvero
cum in praefectura apostolica Togonensi ad oras occidentales
Africae aequatorialis, christiana res feliciter creverit, Nos, attento praesertim
superenunciatae missionis neophytorum numero, atque inspecta
florentium operum maturitate, collatis consiliis cum VV. FF. Nostris
S. R. E. Cardinalibus negotiis Propagandae Fidei praepositis, ut ibidem
uberiori catholicae hierarchiae dignitati prospiciamus, praefecturam
eandem in Vicariatum Apostolicum erigendam censuimus. Quare his
Litteris, Motu proprio atque ex certa scientia et matura deliberatione
deque plenitudine apostolicae Nostrae auctoritatis, praefecturam apostolicam
Togonensem ad oras occidentalis Africae aequatorialis, geographicis
servatis limitibus, in Apostolicum Vicariatum erigimus, similiter
Togonensem appellandum, quem curis Missionariorum Societatis divini
Verbi de Steyl concreditum manere volumus. Decernentes praesentes
Litteras firmas, validas atque efficaces semper exstare et manere, suosque
plenos atque integros effectus sortiri, atque obtinere, illisque ad
quos spectant plene suffragari; sicque rite iudicandum esse ac definiendum,
irritumque et inane fieri, si secus super his a quovis, auctoritate
qualibet, scienter sive ignoranter attentari contigerit. Non obstantibus
constitutionibus et ordinationibus Apostolicis ceterisque in contrarium
facientibus quibuscumque.
Datum Romae, apud S. Petrum, sub annulo piscatoris, die xvi martii
MCMXIV, Pontificatus Nostri anno undecimo.
R. CARD. MERRY DEL VAL,
a Secretis Status.
L. © S.
ERECTIO PRAEFECTURAE APOSTOLICAE TOGONENSIS IN AFRICA AEQUATORIALI
IN VICARIATUM APOSTOLICUM.
PIUS PP. x
Ad futuram rei memoriam. — Divinitus commissum Nobis supremi
Apostolatus officium postulat, ut in omnes vel longo terrarum marisque
spatio dissitas christiani orbis plagas oculos mentis Nostrae convertimus,
eaque sedulo studio praestemus, quae rei sacrae provehendae
opportuna magis sint, et catholici nominis incremento conducant. Iamvero
cum in praefectura apostolica Togonensi ad oras occidentales
Africae aequatorialis, christiana res feliciter creverit, Nos, attento praesertim
superenunciatae missionis neophytorum numero, atque inspecta
florentium operum maturitate, collatis consiliis cum VV. FF. Nostris
S. R. E. Cardinalibus negotiis Propagandae Fidei praepositis, ut ibidem
uberiori catholicae hierarchiae dignitati prospiciamus, praefecturam
eandem in Vicariatum Apostolicum erigendam censuimus. Quare his
Litteris, Motu proprio atque ex certa scientia et matura deliberatione
deque plenitudine apostolicae Nostrae auctoritatis, praefecturam apostolicam
Togonensem ad oras occidentalis Africae aequatorialis, geographicis
servatis limitibus, in Apostolicum Vicariatum erigimus, similiter
Togonensem appellandum, quem curis Missionariorum Societatis divini
Verbi de Steyl concreditum manere volumus. Decernentes praesentes
Litteras firmas, validas atque efficaces semper exstare et manere, suosque
plenos atque integros effectus sortiri, atque obtinere, illisque ad
quos spectant plene suffragari; sicque rite iudicandum esse ac definiendum,
irritumque et inane fieri, si secus super his a quovis, auctoritate
qualibet, scienter sive ignoranter attentari contigerit. Non obstantibus
constitutionibus et ordinationibus Apostolicis ceterisque in contrarium
facientibus quibuscumque.
Datum Romae, apud S. Petrum, sub annulo piscatoris, die xvi martii
MCMXIV, Pontificatus Nostri anno undecimo.
R. CARD. MERRY DEL VAL,
a Secretis Status.
L. © S.