Can. 364

§ 1. Nominatio eorum qui praedicta officia vel munera exercent, scripto consignetur, ad normam can. 159.

§ 2. Nominati vero debent: 1° In manibus Episcopi iusiurandum praestare de munere fideliter exercendo, quavis personarum acceptione posthabita; 2° Negotia ad se spectantia sub auctoritate Episcopi tractare ad normam iuris; 3° Secretum servare intra fines et secundum modum a iure vel ab Episcopo determinatum.