PL 11, col. 469

sequaces fructus adridunt, quos solis ardores,
pluviae, ventique exercendo provehunt, ad
maturitatemque perducunt. At ubi vindemiae venerit
tempus, decore dissipato passim uva detrahitur,
in torcularique operariorum pedibus subjecta
calcatur, prelo premitur, duabusque tabulis vehementer
urgetur, donec omnis dulcedo medullitus
exigatur. Sicque pretiosum fluentum a suis calcatoribus
et bibitur, et patrisfamilias cellis vinariis infertur,
ut melius veterascendo reddatur.
III.
Quantum spiritaliter mediocritas nostra conjicere
potest, computatus ad mensuram palmes Competens
intelligitur, legitimo examinis numero
examinatus. Scrobem fontem sacrum debemus accipere,
qui vero sacramento homines suscipit mortuos,

et inspiratos aqua coelesti mox efficit vivos.
Lignum auxiliare, quo tenditur, vel portatur, crucis
est dominicae signum, sine quo vivere, immortalitatemque
apprehendere in toto non potest Christianus.
Quod tabulatis infertur, coelestis viae vitaeque altitudo