PL 148, col. 1403
Chronicon (Bernaldus Constantiensis), J. P. Migne
criminibus canonice expurgatur, et legatio pro restauranda
christianitate in Toletana civitate, rege
Hispanorum hoc supplicante, destinatur. Welfo
dux Italiae multa incendia et depraedationes a Heinrico
rege hoc in anno Longobardiam ingresso patitur;
sed adhortatu domnae Mathildis suae karissimae
conjugis eidem Heinrico resistere, et in
fidelitate sancti Petri persistere viriliter contendit.
Hoc anno magna fames multas regiones repente afflixit,
quanvis non magna sterilitas terrae praecesserit.
Adelbero reverendae memoriae Wirceburgensis
episcopus, unus de antiquioribus episcopis, in causa
sancti Petri contra Guibertum et ejus complices
strenuissimus, post multa pericula, persecutiones
et exilia, quae pro Christo libentissime passus est, in
bona confessione diem clausit extremum ( Oct. 6),
in praedio suo quod Lanbach vocatur.
MCXI.
Domnus papa eo tempore in partibus Campaniae
morabatur, et ab omnibus catholicis debita reverentia
colebatur, videlicet a Constantinopolitano
imperatore, et a Philippo Francorum rege,
aliisque diversorum regnorum principibus tam
aeclesiasticis quam secularibus, excepto in Teutonicorum
regno, ubi multi ex catholicis in partem
excommunicatorum avaricia decepti sponte sua
se transtulerunt. Romani quoque turrem Crescentii,
quae eatenus domno papae obediebat, dolo captam diruere
temptaverunt. Dominus autem papa facile Romam
cum exercitu intrare, et rebellium contumaciam
domare potuisset, si non magis cum mansuetudine
causam suam agere delegisset. Eo tempore Mantuani,
diuturna obsidione a Heinrico rege jam per annum
constricti, a domino suo Welfone duce discesserunt,
et se et civitatem suam suo devastatori tradiderunt.
Romani quoque Guibertum heresiarcham, quem jam
dudum expulerunt, iterum Romam intrare, et sanctam
aecclesiam suis non benedictionibus set maledictionibus
infestare permiserunt. Capuani Nordmannos
de Capua expulerunt, quibus jam multo
tempore sub pluribus apostolicis et regibus subjecti
fuerunt. Unde et Nordmanni eos circumquaque
usque ad murum civitatis praeda et incendio devastaverunt.
christianitate in Toletana civitate, rege
Hispanorum hoc supplicante, destinatur. Welfo
dux Italiae multa incendia et depraedationes a Heinrico
rege hoc in anno Longobardiam ingresso patitur;
sed adhortatu domnae Mathildis suae karissimae
conjugis eidem Heinrico resistere, et in
fidelitate sancti Petri persistere viriliter contendit.
Hoc anno magna fames multas regiones repente afflixit,
quanvis non magna sterilitas terrae praecesserit.
Adelbero reverendae memoriae Wirceburgensis
episcopus, unus de antiquioribus episcopis, in causa
sancti Petri contra Guibertum et ejus complices
strenuissimus, post multa pericula, persecutiones
et exilia, quae pro Christo libentissime passus est, in
bona confessione diem clausit extremum ( Oct. 6),
in praedio suo quod Lanbach vocatur.
MCXI.
Domnus papa eo tempore in partibus Campaniae
morabatur, et ab omnibus catholicis debita reverentia
colebatur, videlicet a Constantinopolitano
imperatore, et a Philippo Francorum rege,
aliisque diversorum regnorum principibus tam
aeclesiasticis quam secularibus, excepto in Teutonicorum
regno, ubi multi ex catholicis in partem
excommunicatorum avaricia decepti sponte sua
se transtulerunt. Romani quoque turrem Crescentii,
quae eatenus domno papae obediebat, dolo captam diruere
temptaverunt. Dominus autem papa facile Romam
cum exercitu intrare, et rebellium contumaciam
domare potuisset, si non magis cum mansuetudine
causam suam agere delegisset. Eo tempore Mantuani,
diuturna obsidione a Heinrico rege jam per annum
constricti, a domino suo Welfone duce discesserunt,
et se et civitatem suam suo devastatori tradiderunt.
Romani quoque Guibertum heresiarcham, quem jam
dudum expulerunt, iterum Romam intrare, et sanctam
aecclesiam suis non benedictionibus set maledictionibus
infestare permiserunt. Capuani Nordmannos
de Capua expulerunt, quibus jam multo
tempore sub pluribus apostolicis et regibus subjecti
fuerunt. Unde et Nordmanni eos circumquaque
usque ad murum civitatis praeda et incendio devastaverunt.