PL 149, col. 590
Meditatio super Salve Regina (Auctor incertus), J. P. Migne
8.
Et Jesum, benedictum fructum ventris tui, nobis
post hoc exsilium ostende. O venter mirabilis, qui
potuit recipere Creatorem! O venter laudabilis, qui
meruit concipere redemptionem! O venter desiderabilis,
a quo emanavit desiderium mentium, gratiarum
fluvius, gloriae praemium! O venter, non venter,
sed empyreum coelum! In hoc ventre fuit pretium
perditorum, felicitas beatorum, Dominus angelorum.
O beata ubera! O Domina mea! O fons pietatis,
lacus sanctitatis, fluvius bonitatis venter tuus,
Domina! O felix venter, qui Solem genuisti, universum
mundum reparasti, coelestem patriam recuperasti,
insuper donasti! O quam pretiosus venter,
qui protulit medicinam infirmis, vitam mortuis,
paradisum justis! O venter eburneus, et sedes sapientiae!
O venter tornatilis, et celsitudo gloriae!
O venter amabilis, et dulcedo animae! O elevatio
mentium, inebriatio cordium, et suavitas peccatorum!
Fructus tuus, Domina, certe est fructus beatus
a principio sui ortus. Hic est Jesus, Dei vivi Filius.
Hic est Salvator noster, Christus Dominus. In dulcedine
hujus fructus sublevatur intellectus, dilatatur
affectus, et utriusque quietatur appetitus. Clarescit
ratio, dulcescit affectio, purificatur intentio. In
dulcedine fructus tui totum liquescit cor, tuum
fructum degustans. Hunc Jesum, benedictum fructum
ventris tui, nobis post hoc exsilium ostende.
Ut ipsum videndo, ipsum habeamus, ipsum videndo
beatitudine repleamur, ipsum videndo in ipsum
rapiamur, ipsum videndo in ipsum diffundamur,
ipsum videndo in ipsum convertamur. Ut sic deifici,
non nostri simus, sed totaliter transformati in ipsum. O clemens! O pia! O dulcis Maria!
O clemens
indigentibus, pia exorantibus, dulcis amantibus!
O clemens poenitentibus, pia proficientibus, dulcis
contemplantibus! O clemens liberando, pia largiendo,
dulcis te donando! O clemens consolando, pia
consulendo, dulcis blandiendo! O clemens in conspectu,
pia in effectu, dulcis in affectu! Clemens in
conceptu, pia in aspectu, dulcis in amplexu; clemens
es afflictis, pia derelictis, dulcis in amore
justis. Clemens es subjectis, pia jam correctis,
dulcis praedilectis. Clemens es petentibus, pia te
quaerentibus, dulcis te pulsantibus; clemens admirantibus,
pia exsultantibus, dulcis te gustantibus.
Clemens es pauperculis, pia es despectis, dulcis es
devotis. Clemens es elevatis, pia transformatis,
dulcis liquefactis. O clemens! O pia! O dulcis virgo
Maria. Ave, Maria, gratia plena, Dominus tecum.
Et Jesum, benedictum fructum ventris tui, nobis
post hoc exsilium ostende. O venter mirabilis, qui
potuit recipere Creatorem! O venter laudabilis, qui
meruit concipere redemptionem! O venter desiderabilis,
a quo emanavit desiderium mentium, gratiarum
fluvius, gloriae praemium! O venter, non venter,
sed empyreum coelum! In hoc ventre fuit pretium
perditorum, felicitas beatorum, Dominus angelorum.
O beata ubera! O Domina mea! O fons pietatis,
lacus sanctitatis, fluvius bonitatis venter tuus,
Domina! O felix venter, qui Solem genuisti, universum
mundum reparasti, coelestem patriam recuperasti,
insuper donasti! O quam pretiosus venter,
qui protulit medicinam infirmis, vitam mortuis,
paradisum justis! O venter eburneus, et sedes sapientiae!
O venter tornatilis, et celsitudo gloriae!
O venter amabilis, et dulcedo animae! O elevatio
mentium, inebriatio cordium, et suavitas peccatorum!
Fructus tuus, Domina, certe est fructus beatus
a principio sui ortus. Hic est Jesus, Dei vivi Filius.
Hic est Salvator noster, Christus Dominus. In dulcedine
hujus fructus sublevatur intellectus, dilatatur
affectus, et utriusque quietatur appetitus. Clarescit
ratio, dulcescit affectio, purificatur intentio. In
dulcedine fructus tui totum liquescit cor, tuum
fructum degustans. Hunc Jesum, benedictum fructum
ventris tui, nobis post hoc exsilium ostende.
Ut ipsum videndo, ipsum habeamus, ipsum videndo
beatitudine repleamur, ipsum videndo in ipsum
rapiamur, ipsum videndo in ipsum diffundamur,
ipsum videndo in ipsum convertamur. Ut sic deifici,
non nostri simus, sed totaliter transformati in ipsum. O clemens! O pia! O dulcis Maria!
O clemens
indigentibus, pia exorantibus, dulcis amantibus!
O clemens poenitentibus, pia proficientibus, dulcis
contemplantibus! O clemens liberando, pia largiendo,
dulcis te donando! O clemens consolando, pia
consulendo, dulcis blandiendo! O clemens in conspectu,
pia in effectu, dulcis in affectu! Clemens in
conceptu, pia in aspectu, dulcis in amplexu; clemens
es afflictis, pia derelictis, dulcis in amore
justis. Clemens es subjectis, pia jam correctis,
dulcis praedilectis. Clemens es petentibus, pia te
quaerentibus, dulcis te pulsantibus; clemens admirantibus,
pia exsultantibus, dulcis te gustantibus.
Clemens es pauperculis, pia es despectis, dulcis es
devotis. Clemens es elevatis, pia transformatis,
dulcis liquefactis. O clemens! O pia! O dulcis virgo
Maria. Ave, Maria, gratia plena, Dominus tecum.