PL 151, col. 978

scribat auctorem Micrologi fuisse Guidonem, abbatem
S. Crucis Avellani. prope Aretium, qui cantum
figuratum et solemnes illas notas ut, re, mi, fa sol,
la, excogitavit. Nam Domnizo presbyter, carmine
De gestis comitissae Macthildis, agens de Thebaldo,
Aretino episcopo, sic canit:
Micrologum librum sibi dictat Guido, peritus
Musicus et monachus, nec non eremita beandus.
Hic tamen Micrologus longe diversus est ab eo opere De ecclesiasticis observationibus,
aut, Officio missae;
nam cardinalis Baronius anno 1022 recitans praefationem
ejus ad praedictum Thebaldum, monstrat
fuisse librum De musica, qui ibidem scriptus refertur
anno aetatis Guidonis 34, sub Joanne Romano pontifice,
nempe Joanne XX, qui est sublatus e vivis
anno 1033. Ex qua temporum collatione in idem
prope incommodum revolvimur, in quod se conjecisse
vidimus, qui id opus ascripsere Bernoni. Nam
si Guido tempore Joannis XX agebat aetatis annum

34, ut testatur vetus codex Micrologi musici (cui id
opus ascriptum esse refert Baronius) auctor autem
Micrologi de ecclesiasticis observationibus scripsit
post Gregorium septimum, quem notavimus obiisse
anno 1085, necesse erit Guidonem plusquam nonagenarium
scripsisse hoc opus de ecclesiasticis observationibus.
An in Guidone praecessit quod saeculum
proximum in Martino Navarro expertum est, ut
scilicet 90 eoque amplius annos natus, adhuc scriptioni
daret operam?
MICROLOGUS DE ECCLESIASTICIS OBSERVATIONIBUS

CAP. XXXII. De historia, Clama.
CAP. XXXIII. De septem diebus ante Natale Domini.
CAP. XXXIV. De Natali Domini.
CAP. XXXV. De secunda vespera sancti Stephani.
CAP. XXXVI. De Innocentibus.
CAP. XXXVII. De officio, Dum medium silentium.
CAP. XXXVIII. De eodem officio, in alia Dominica
repetendo.
CAP. XXXIX. De octava Domini.
CAP. XL. De Epiphania.
CAP. XLI. De Dominicis post Epiphaniam.
CAP. XLII. De duobus festis in unum diem concurrentibus.
CAP. XLIII. De martyribus Rom. pontificibus.
CAP. XLIV. De octavis sanctorum.
CAP. XLV. De priori vespera Dominicarum.
CAP. XLVI. De aqua aspersionis, Gloria in excelsis
Ite missa est, Credo in unum.

CAP. XLVII. De Septuagesima.
CAP. XLVIII. De festis infra Septuagesimam ve
Quinquagesimam concurrentibus.
CAP. XLIX. De Capite Jejunii.
CAP. L. De Quadragesima.
CAP. LI. De oratione super populum.
CAP. LII. De diebus Dominicae passionis.
CAP. LIII. De Sabbato sancto.
CAP. LIV. De Paschali observatione.
CAP. LV. De festis infra Paschale tempus.
CAP. LVI. De Pascha annotino.
CAP. LVII. De Litaniis.
CAP. LVIII. De hebdomada Pentecostes.
CAP. LIX. De octava Pentecostes.
CAP. LX. De officio S. Trinitatis.
CAP. LXI. De concordia et ordine officiorum.
CAP. LXII. De Dominicali officio non facile praetermittendo.
CAP. I.-- De introitu missae.