PL 157, col. 48

Nicodemus ad dominum papam in domum praedicti
Joannis nocte veni: ubi eum pene omnibus
temporalibus bonis nudatum, et alieno aere nimis
oppressum inveni. Ibi per Quadragesimam mansi
cum illo; et, si fas est profiteri veritatem, ejus
onera in quantum potui, charitatis humeris supportavi.
Quindecim vero diebus ante Pascha, Ferruchius,
quem Lateranensis palatii custodem Guitbertus
fecerat, per internuntios locutus est cum domino
papa, quaerens ab eo pecuniam et ipse redderet illi
turrim et domum illam. Unde Dominus papa cum
episcopis et cardinalibus, qui secum erant, locutus,
ab 21 ipsis pecuniam quaesivit; sed modicum quid
apud ipsos, quoniam persecutione et paupertate
simul premebantur, invenire potuit. Quem ego, cum

non solum tristem, verum etiam prae nimia angustia
lacrymantem conspexissem, coepi et ipse flere, et
flens accessi ad eum dicens, ut secure cum Ferrachio
iniret pactum. Ibi aurum et argentum, nummos,
mulas et equos expendi; et sic Lateranense
habuimus, et intravimus palatium. Ubi ego primus
osculatus sum domini papae pedem, in sede videlicet
apostolica, in qua longe ante catholicus non sederat
papa.
EPISTOLA IX.
Beatissimo papae Paschali, frater Goffridus, quod
charissimo patri humilis filius, et bono domino
fidelis servus.
Litteras vestras, dilectissime Pater, triginta quinque
diebus ante concilium vidi: in quibus audivi

quod noluissem, et quod audire peccando non
merui. Pervenit enim ad aures vestras nescio cujus
relatione, me persecutoribus Ecclesiae, et comiti
Pictaviensium participare; quod Deus scit,
nunquam feci; nec paternitatem vestram optassem
de me rem hujusmodi credidisse. Haec namque seminavit
inimicus homo, et fallaciae spiritus erat in