PL 189, col. 735
Adversus Petrobrusianos haereticos (Petrus Cluniacensis), J. P. Migne
vel legere potestis? ubi eum caecatum, illuminatum,
baptizatum, totius mundi apostolum constitutum,
regibus, regionibus, Judaeis legatum directum,
dicente Domino ad Ananiam: Vas electionis
mihi est iste, ut portet nomen meum coram regibus et
gentibus, et filiis Israel? [(Act. IX.)]
Ubi plane ista
omnia praeter hunc librum legistis, audistis, invenistis?
Ubi ejus vincula, flagella, naufragia, discursus,
discrimina, pericula, fructus maximos periculorum,
gentes innumeras ad Christum per ipsum
conversas, nisi aut in hoc libro reperistis, aut de
ipso ab aliis audistis? Sed quid de illa illius cum
Judaeis et gentibus apud Hierosolymam, quantum
ad hunc librum spectat, ultima pugna, ubi in ipso
templo comprehensus, verberatus, alligatus, cum
ipsis vinculis ad urbem caput orbis, cujus apostolus
erat, a tribuno ad praesidem, a praeside ad Caesarem
missus est? Nam aequum erat ut maximae urbi maximus
apostolus mitteretur, cujus miraculis et doctrina
ex non minima parte in ipsa urbe Roma
Romanis conversis, praedicatione expleta, passione
impleta, ab ipsa Urbe velut in orbis vertice ejus
corpus perpetuo servaretur, et haeretica perfidia
apostolum vel apostolo non credentium tam insigni
testimonio convinceretur. Ecce universa haec cogunt,
ac violenter compellunt, quamlibet obstinatam
perfidiam vestram aut contra tanta divina et
humana testimonia tantum apostolum abjicere, aut
eum apostolum et ejus historiam veracem confiteri.
Nec illud omnino transeundum, vel negligenter
praetereundum est quod Petrus, Jacobus, Joannes,
ac caeteri apostoli persecutiones in Evangelio a
Christo promissas, hic singulariter experti esse legentur,
dum dicit de eis illa Scriptura: Ibant gaudentes
a conspectu concilii, quoniam digni habiti sunt
pro nomine Jesu contumeliam pati [(Act. LI)]
. Hic
etiam, quod nusquam alibi legitur, circumcisioni
servandae, Sabbato colendo, sacrificiis et observantiis
veteribus Spiritus sancti auctoritate finem imposuerunt. Visum est,
inquiunt, Spiritui sancto et
nobis, nihil ultra vobis oneris imponere, quam haec
necessaria, ut abstineatis ab immolatis simulacrorum,
et a sanguine et suffocato et fornicatione, a quibus
custodientes vos bene agetis [(Act. XV)]
. Ecce non
solum gentiles, sed et ipsos ad fidem Christianam
conversos Judaeos, a carnali observantia legalium
praeceptorum exonerant, et qua auctoritate Judaeos
si ad Christum conversi fuerint, Ecclesia non circumcidat,
ostendunt. Cum ergo auctoritas haec,
nusquam nisi hic praeter Apostoli Epistolas, quibus
forte non creditis, inveniatur necesse jam vobis erit,
aut Judaeos conversos circumcisioni et caeteris legis
decretis subdere, aut libro, cujus lectio hoc prohibet,
canonicam auctoritatem annuere. His universis
auctoritatibus, vel rationibus ostendimus, imo compellimus,
saepefato Actuum apostolorum libro, vos
dignitatem authenticam amodo exhibere, neque
ultra Ecclesiae Dei de eo non suscipiendo, vel in
modico contraire.
baptizatum, totius mundi apostolum constitutum,
regibus, regionibus, Judaeis legatum directum,
dicente Domino ad Ananiam: Vas electionis
mihi est iste, ut portet nomen meum coram regibus et
gentibus, et filiis Israel? [(Act. IX.)]
Ubi plane ista
omnia praeter hunc librum legistis, audistis, invenistis?
Ubi ejus vincula, flagella, naufragia, discursus,
discrimina, pericula, fructus maximos periculorum,
gentes innumeras ad Christum per ipsum
conversas, nisi aut in hoc libro reperistis, aut de
ipso ab aliis audistis? Sed quid de illa illius cum
Judaeis et gentibus apud Hierosolymam, quantum
ad hunc librum spectat, ultima pugna, ubi in ipso
templo comprehensus, verberatus, alligatus, cum
ipsis vinculis ad urbem caput orbis, cujus apostolus
erat, a tribuno ad praesidem, a praeside ad Caesarem
missus est? Nam aequum erat ut maximae urbi maximus
apostolus mitteretur, cujus miraculis et doctrina
ex non minima parte in ipsa urbe Roma
Romanis conversis, praedicatione expleta, passione
impleta, ab ipsa Urbe velut in orbis vertice ejus
corpus perpetuo servaretur, et haeretica perfidia
apostolum vel apostolo non credentium tam insigni
testimonio convinceretur. Ecce universa haec cogunt,
ac violenter compellunt, quamlibet obstinatam
perfidiam vestram aut contra tanta divina et
humana testimonia tantum apostolum abjicere, aut
eum apostolum et ejus historiam veracem confiteri.
Nec illud omnino transeundum, vel negligenter
praetereundum est quod Petrus, Jacobus, Joannes,
ac caeteri apostoli persecutiones in Evangelio a
Christo promissas, hic singulariter experti esse legentur,
dum dicit de eis illa Scriptura: Ibant gaudentes
a conspectu concilii, quoniam digni habiti sunt
pro nomine Jesu contumeliam pati [(Act. LI)]
. Hic
etiam, quod nusquam alibi legitur, circumcisioni
servandae, Sabbato colendo, sacrificiis et observantiis
veteribus Spiritus sancti auctoritate finem imposuerunt. Visum est,
inquiunt, Spiritui sancto et
nobis, nihil ultra vobis oneris imponere, quam haec
necessaria, ut abstineatis ab immolatis simulacrorum,
et a sanguine et suffocato et fornicatione, a quibus
custodientes vos bene agetis [(Act. XV)]
. Ecce non
solum gentiles, sed et ipsos ad fidem Christianam
conversos Judaeos, a carnali observantia legalium
praeceptorum exonerant, et qua auctoritate Judaeos
si ad Christum conversi fuerint, Ecclesia non circumcidat,
ostendunt. Cum ergo auctoritas haec,
nusquam nisi hic praeter Apostoli Epistolas, quibus
forte non creditis, inveniatur necesse jam vobis erit,
aut Judaeos conversos circumcisioni et caeteris legis
decretis subdere, aut libro, cujus lectio hoc prohibet,
canonicam auctoritatem annuere. His universis
auctoritatibus, vel rationibus ostendimus, imo compellimus,
saepefato Actuum apostolorum libro, vos
dignitatem authenticam amodo exhibere, neque
ultra Ecclesiae Dei de eo non suscipiendo, vel in
modico contraire.