PL 202, col. 409

I. clericum nostrum et amicum nostrum docuit,
et multa bona ei fecit. Hunc vobis attentissime
commendamus.
EPISTOLA VI. AD EUGENIUM III PAPAM.
[I, 6] Domino et Patri Dei gratia summo pontifici
EUGENIO humilis conventus Sancti Mevenni,
humilem cum omni subjectione salutem.
Ad sinum vestrae pietatis qui debita humilitate
recurrit, non solum maternae lenitatis blandimenta,
sed et paternae sollicitudinis solet invenire indubia
tutamina. In manu namque vestra est post Deum
pax omnium simul Ecclesiarum et nostra. Vestram
itaque, Pater piissime, rogamus adesse benevolentiam
pauperculae Ecclesiae nostrae; et ne longiori

tempestate convellatur, divinitus indulta auctoritate
ventis et mari silentium placeat vobis maturius
imperare. Ut itaque vehementius et celerius vestra
erga nos moveatur clementia, nostra breviter nova
et antiqua intimamus pericula. Religionis disciplina
et fervor monachici ordinis, tam nostra quam abbatis
negligentia, olim in Ecclesia nostra in unum
intepuerat. Zelo itaque zelatus pro domo Dei Israel
sanctissimae memoriae Lucius praedecessor vester
mandavit humilitati nostrae, et venerabili episcopo
nostro Joanni, studiosius ordinem reformare, disciplinam
renovare, et insolitam tumultuationem
resecare. Ejus itaque nos tam praecepto quam grata
exhortatione ab obediendum inclinati, ut verum
fateamur, ad radicem arboris securim extendimus;

et abbatem negligentem excidi voluimus, ut vigilantiorem
reciperemus. Sic domine et venerande
Pater fuerat, nisi totius malignitatis repertor Satanas
rursus adversaretur, et nisi domini archiepiscopi
Turonensis facies et sententia justa circa hoc negotium
perverse mutaretur. Namque electionem
nostram prius laudavit, et vestra auctoritate confirmavit,
quorumdam vero malignantium postea
ductus, ne dicamus seductus, machinationibus,
nulla rationabili existente causa, aggravavit erga
nos et pastorem nostrum consilium suum, volens
et consulens illi gregem dimittere sibi commissum.
Gravamen itaque injuste sibi imminens abbas dum
attendit, vestram recte audientiam appellavit. Post
hanc autem appellationem, quidam de familia archiepiscopi