PL 211, col. 580

et quibus temporum intervallis sint largiendi.
Qualiter etiam lapsi reparentur. Tandem
transit ad causas, in quibus ostendit primo de accusationibus
et testibus et ordine judiciario quis et
modus in diversis ecclesiasticis negotiis sit habendus.
Tandem ad conjugum negotia veniens, et sufficienter
tractans, in fine de ecclesiarum consecratione,
et de sacramento corporis et sanguinis
Domini, de baptismo et confirmatione supponit.
Distinguitur liber iste alias secundum diligentiam
lectorum, alias secundum consuetudinem scriptorum.
Lectores in tres partes distinguunt, quas et
Gratianus voluisse videtur. Prima pars usque ad
causam Simoniacorum extenditur, quam Gratianus

per L divisiones divisit, a prima causa usque ad
tractatum De Benedictione procedit, quae per XXXVI
causas questionibus suis decisas distinguitur. Tertia
a tractatu locationis usque in finem per quinque
distinctiones secant. Harum primam ministeriis,
secundam negotiis, tertiam ecclesiasticis deputant
sacramentis. Scriptorum consuetudo librum istum
in quatuor partes distinguit, quarum unamquamque
quantum appellant, et primam quidem quae est a
principio usque ad primam causam, quae est: De
Simoniacis; secundam a prima causa usque ad
tertiam decimam, quae sic incipit: Dioecesani. Tertiam

ab ea usque ad XXVII, quae est: De matrimonio;
quartam a XXVII usque ad finem libri ponunt.
His praelibatis ad litteram veniamus.