PL 213, col. 959

Te, rex omnipotens, caput hypocritarum.
Tunc Antichristus ad hypocritas:
Cum me totus orbis studeat adorare,
Jus mei nominis quis audeat negare?
Synagogam, et senes mihi repraesentate.
Reos conveniam super hac levitate.
Tunc ministri venientes ad prophetas et Synagogam
cantant:
Testes mendacii, praecones falsitatis.
Vos tribunal vocat divinae majestatis.
Tunc prophetae:
Non seducet homo iniquitatis
Servos Christi ministris falsitatis.
Tunc nuntii adducunt prophetas et Synagogam
ad Antichristum, quibus ille:
Fert in insaniam proprietatis
Vos, quos decipiunt vultus auctoritatis.
Sanctis promissus sum redemptio futura,
Vere Messia, ut testatur Scriptura.
De me suscipite formam religionis.
Sum infidelibus lapis offensionis.
Tunc prophetae:
Tu blasphemus auctor iniquitatis,
Radix mali, turbator veritatis,
Antichristus, seductor pietatis.
Tunc Antichristus commotus dicit ministris:
Ecce blasphemias meae Divinitatis
Ulciscatur manus divinae majestatis.
Qui blasphemant in me divinam pietatem,
Divini Numinis gustent severitatem.
Pereant pexitus oves occisionis
Explicit.