AAS 43 (1951), p. 127

SACRA CONGREGATIO DE PROPAGANDA FIDE

i

INDIARUM

DECRETUM

DE MUTATIONE NOMINIS ORDINARIATUUM IN INDIA

Cum post rerum publicarum mutationem in India recenter effectam r
etiam quarundam civitatum nomina mutata sint, earum nempe quae
antea vulgo Bezwada, Madura, Trichinopoly, Vizagapatam et Jubbulpore
appellabantur, nunc autem respective vocentur Vijayavada, Madhurai,
Tiruchirapally, Visakhapatnam et Jabalpur, huic Sacrae Congregationi
Christiano Nomini Propagando opportunum visum est Ordinariatuum
in supramemoratis civitatibus exsistentium nomina de
Curia ita commutare, ut haec ipsa cum novissimis denominationibus
civilibus apprime congruant. Quapropter Sacra eadem Congregatio,
collatis consiliis cum Exc. P. D. Leone Petro Kierkels, Archiepiscopo
titulari Salaminensi et in India Internuntio Apostolico, per praesens
hoc Decretum statuit ut in posterum :
Dioecesis Betsuadensis appelletur Vijayavadana,
Dioecesis Madurensis appelletur Madhuraiensis,
Dioecesis Trichinopolitana appelletur Tiruchirapolitana,
Dioecesis Vizagapatamensis appelletur Visakhapatnamensis,
Praefectura Apostolica de Jubbulpore appelletur Jabalpurensis.
Contrariis quibuscumque non obstantibus.
Datum Romae, ex Aedibus Sacrae Congregationis de Propaganda
Fide, die vigesima prima mensis Octobris a. D. 1950.

P. Card. FUMASONI BIONDI, Praefectus
L. © S.
f C. Costantini, Archiep. tit. Theodos., a Secretis..