AAS 43 (1951), p. 259

Apostolici de Aliwal, de Cape Town, de Port Elizabeth, de Queenstown
et de TJmtata; in provincia civili Natalensi : Vicariatus Apostolici de
Eshowe, de Mariannhill et Natalensis; in provincia civili Orangensi
seu Status Liberi de Orange : Vicariatus Apostolici Bethlehemensis et
de Kroonstad ; in provincia civili Transwalensi : Vicariatus Apostolici
Johannesburgensis, de Lydenburg, Praetoriensis et Abbatia nullius de
Pietersburg. Insuper in regionibus Angliae patrocinio subiectis, Basutolandensi
nempe et de Swaziland, duo eiusdem nominis Vicariatus.
In quibus omnibus missionalibus circumscriptionibus tantum catholica
res profecit, postremis potissimum hisce temporibus, ut opportunum
visum sit ecclesiasticam inibi hierarchiam constituere.
Nos itaque, de venerabilium Fratrum Nostrorum S. R. E. Cardinalium
Sacrae Congregationi Fidei Propagandae praepositorum consilio,
attentis voto et precibus venerabilis Fratris Martini Lucas, Archiepiscopi
titulo Adulitani et in Africa Meridionali Delegati Apostolici, et
venerabilium eius Delegationis Ordinariorum Apostolicae Sedi oblatis,
ac suppleto, quatenus opus sit, aliorum quorum intersit, vel eorum
qui sua interesse praesumant consensu, certa scientia, atque omnibus,
uti negotii gravitas postulabat, mature perpensis, de apostolicae Nostrae
potestatis plenitudine, hierarchiam episcopalem, uti in ceteris fere
omnibus catholici orbis partibus, in Africa Meridionali erigimus et constituimus,
prout sequitur.
Quatuor deinceps inibi Provinciae ecclesiasticae erunt, nempe :
I. Provincia ecclesiastica Civitatis Capitis seu Capetownensis,
complectens Metropolitanam Ecclesiam Civitatis Capitis seu Capetownensem,
cui Cathedrales Ecclesiae suffraganeae subicientur: Aliwalensis,
Civitatis Reginae seu Queenstawnensis, Oudtshoomensis et PortusElizabethensis;

II. Provincia ecclesiastica Durbaniana, quae complectetur Metropolitanam
Ecclesiam Durbanianam, hucusque Vicariatum Apostolicum
Natalensem, hoc nomine deinceps suppresso, cui suffraganeae erunt
Cathedrales Ecclesiae Collis Mariae seu Mariannhillensis, Esliowensis,
KoJcstadensis et Umtatana;
III. Provincia ecclesiastica Praetoriensis, constans Metropolitana
Ecclesia Praetoriensi et Cathedralibus Ecclesiis ei suffraganeis Ioannes
- Burgensi, Lydenburgensi et Bremersdorpensi, hucusque Vicariatu
Apostolico de Swaziland, hoc quoque nomine deinceps suppresso, atque
Abbatia nullius de Pietersburg alias constituta, quae in posterum Pietersburgensis
vocabitur;
IV. Provincia ecclesiastica Bloemfonteinensis, quae novam com-