AAS 7 (1915), p. 568
rabiles Fratres, clero ac populo cuique vestrum tradito peramanter in
Domino impertimus.
Datum Romae apud S. Petrum, die xvu octobris MCMXV, Pontificatus
Nostri anno secundo.
BENEDICTUS PP. XV
II
AD R. P. D. RAPHAELEM SANTI, EPISCOPUM FERETRANUM, CUI GRATULATUR DE
DIOECESANA SYNODO FELICITER ABSOLUTA.
Venerabilis Frater, salutem et apostolicam benedictionem. — Feretrana
Synodo, quam feliciter absolutam nuntiasti, sollertiam tuam Nobis
tuisque fidelibus egregie testatus es. Nos quidem testimonium eiusmodi
vix indigemus. Te siquidem novimus cum Bononiensem ecclesiam regebamus:
teque, episcopo creato, laetati ex animo sumus non tua tantum
caussa, sed praesertim concrediti tibi cleri ac populi, cui plane videbamus
quantas tua virtus portehderet utilitates. Utilitatem certo non
exiguam attulisti dioecesanis legibus ita, congruenter temporibus, instauratis,
ut scitius descripta iura et officia expeditiorem muniant singulis
aeternae salutis viam. Nihil tibi, uti scribis, nunc restat optandum, nisi
ut ii omnes, quos tam amanti providentia complexus es, non auditores
tantum, sed factores se praestent novae legis, probe memores hos quidem
et non illos apud Deum iustificari. Optata haec tua quid est quod
non etiam optata Nostra sint? Sunt sane; et ad diligentem legum conditarum
custodiam, cum ceteros omnes, tum maxime hortamur viros
sacri ordinis, ut ex ore eorum cum legem requirent populi, non solum
legem audiant, quam addiscant, sed et optima, quae invitentur, christianae
vitae inspiciant in iis exempla. Quod ut ope divinae gratiae
quam felicissime eveniat, auspicem caelestium adiumentorum Nostraeque
testem benevolentiae, apostolicam benedictionem tibi, venerabilis
Frater, atque universo tuo clero ac populo peramanter in Domino impertimus.
Datum Romae apud S. Petrum, die xx octobris MCMXV, Pontificatus
Nostri anno secundo.
BENEDICTUS PP. XV
Domino impertimus.
Datum Romae apud S. Petrum, die xvu octobris MCMXV, Pontificatus
Nostri anno secundo.
BENEDICTUS PP. XV
II
AD R. P. D. RAPHAELEM SANTI, EPISCOPUM FERETRANUM, CUI GRATULATUR DE
DIOECESANA SYNODO FELICITER ABSOLUTA.
Venerabilis Frater, salutem et apostolicam benedictionem. — Feretrana
Synodo, quam feliciter absolutam nuntiasti, sollertiam tuam Nobis
tuisque fidelibus egregie testatus es. Nos quidem testimonium eiusmodi
vix indigemus. Te siquidem novimus cum Bononiensem ecclesiam regebamus:
teque, episcopo creato, laetati ex animo sumus non tua tantum
caussa, sed praesertim concrediti tibi cleri ac populi, cui plane videbamus
quantas tua virtus portehderet utilitates. Utilitatem certo non
exiguam attulisti dioecesanis legibus ita, congruenter temporibus, instauratis,
ut scitius descripta iura et officia expeditiorem muniant singulis
aeternae salutis viam. Nihil tibi, uti scribis, nunc restat optandum, nisi
ut ii omnes, quos tam amanti providentia complexus es, non auditores
tantum, sed factores se praestent novae legis, probe memores hos quidem
et non illos apud Deum iustificari. Optata haec tua quid est quod
non etiam optata Nostra sint? Sunt sane; et ad diligentem legum conditarum
custodiam, cum ceteros omnes, tum maxime hortamur viros
sacri ordinis, ut ex ore eorum cum legem requirent populi, non solum
legem audiant, quam addiscant, sed et optima, quae invitentur, christianae
vitae inspiciant in iis exempla. Quod ut ope divinae gratiae
quam felicissime eveniat, auspicem caelestium adiumentorum Nostraeque
testem benevolentiae, apostolicam benedictionem tibi, venerabilis
Frater, atque universo tuo clero ac populo peramanter in Domino impertimus.
Datum Romae apud S. Petrum, die xx octobris MCMXV, Pontificatus
Nostri anno secundo.
BENEDICTUS PP. XV