Can. 1725

Cum citatio legitime peracta fuerit aut partes sponte in iudicium venerint: 1° Res desinit esse integra; 2° Causa fit propria illius iudicis aut tribunalis, coram quo actio instituta est; 3° In iudice delegato firma redditur iurisdictio ita ut non exspiret resoluto iure delegantis; 4° Interrumpitur praescriptio, nisi aliud cautum sit, ad normam can. 1508; 5° Lis pendere incipit; et ideo statim locum habet principium: lite pendente, nihil innovetur.