Can. 2244

§ 1. Non solum diversae, sed etiam eiusdem speciei censura potest in eodem subiecto multiplicari.

§ 2. Censura latae sententiae multiplicatur: 1° Si diversa delicta, quorum singula censuram secumferunt, eadem vel distincta actione committantur; 2° Si idem delictum, censura punitum, pluries repetatur ita ut plura sint delicta distincta; 3° Si delictum, diversis censuris a distinctis Superioribus punitum, semel aut pluries committatur.

§ 3. Censura ab homine multiplicatur, si plura praecepta vel plures sententiae vel plures distinctae partes eiusdem praecepti aut sententiae suam quaeque censuram infligant.