Denz.-U. 933

Denique eadem sancta Synodus docet, parvulos usu rationis carentes nulla obligari necessitate (n) ad sacramentalem Eucharistiae communionem [can 4], siquidem per baptismi lavacrum regenerati [Tit, 5] et Christo incorporati adeptam iam filiorum Dei gratiam in illa aetate amittere non possunt. Neque ideo tamen damnanda est antiquitas, si eum morem in quibusdam locis aliquando servavit. Ut enim sanctissimi illi Patres sui facti probabilem causam pro illius temporis ratione habuerunt, ita certe eos nulla salutis necessitate id fecisse sine controversia credendum est.