PL 11, col. 416

Filium suum salvatorem generi humano se
esse missurum commodum tempore maturo, divinitatis
interim dignitate deposita, non tamen potestate,
coelo egressus, metatura praedicta sacrario templi
virginalis hospes pudicus illabitur; ibidemque, qualis
velit esse, disponit. 173 Immo, quod jam olim disposuerat
complendum, latenter assumit; namque
requiescit Iibens florentissimo in domicilio castitatis,
et in visceribus sacrae virginis comparat sibi corpus
suo judicio nasciturus. In hominem coaptatus, in tegumento
carnis includitur Deus; humanamque vitam
mutuatur de tempore, qui praestat temporibus
aeternitatem. Mira res: concipit Maria de ipso, quem
parit: tumet uterus majestate, non semine, capitque
virgo, quem mundus mundique non capit plenitudo.

Interea promovent suum membra factorem,
et opus sui figura vestit artificem. Parturit Maria non