PL 159, col. 609

simul duo, et duo iidem sensus. Aliquando
enim delectantur simul visus et auditus,
ut cum nimis delectando canes bestias insequi videtur,
et conclamare post ipsas audiuntur; aliquando
visus et gustus, ut cum magna delectatione
vinum limpidissimum conspicitur in saphyrino scypho
et bibitur; aliquando visus et olfactus, ut in
videndo simul et olfaciendo nimis rubentes rosas;
aliquando visus et tactus, ut in conspiciendo et
complanando aliquem muricipem album; aliquando
auditus et gustus, ut cum aliquem sic bibere delectat
ut inter labia sua sonitum quemdam pitissando
faciat; aliquando auditus et olfactus, ut
cum aliquem bibendi aviditate delectat auscultare
mustum ebulliens applicata aure, et ejus

odorem naribus attrahere; aliquando auditus et
tactus, ut cum aliquem nimis delectat citharam
resonantem audire, et eamdem percutiendo tangere;
aliquando gustus et olfactus, ut cum immoderate
eduntur gallinae pipere et cymino diligenter conditae;
aliquando gustus et tactus, ut cum gulositate
manduntur ficus maturae, dulces ad edendum, et
lenes et molles ad tangendum; aliquando olfactus
et tactus, ut cum unguento bene olenti quis ungitur.
CAPUT XVI. De decem triplicibus.
Decem quoque sunt triplicia, quia saepe terni, et
terni delectantur corporis sensus supradicti. Aliquando
enim condelectantur visus, auditus et gustus,

ut cum nimis avide collyridae eduntur, quae quasi
nix candidae videntur, sponteque manibus vel dentibus
sic atteruntur ut resonare audiantur; aliquando
visus, auditus et olfactus, ut cum aliquis in horto
sic residet ut virides herbas aspiciat, fabulas audiat,
flores olfaciat; aliquando visus, auditus et tactus,
ut cum mulier speciosa delectationis causa conspicitur,
luxuriosa loqui auditur, sed et interea tangitur;
aliquando visus, gustus et olfactus, ut cum
aliquem delectat inspicere vinum herbis confectum
scintillare, bibere et olfacere; aliquando
visus, gustus et tactus, ut cum aliquis est saturatus
racemis, vineam tamen deambulat, ut quam pulchre
racemi in ea dependeant videat, et hos atque
illos contrectans degustat; aliquando visus, olfactus

et tactus, ut cum quis diu nimis lilia conspicit,
olfacit et tangit; aliquando auditus, gustus et olfactus,
ut cum divites delectat cervos in silva clamantes
audire, et quorumdam jam captorum carnes