PL 172, col. 144
De imagine mundi (Honorius Augustodunensis), J. P. Migne
Sequitur sidus bootes, id est custos plaustri, quod
et arctophylax. Erat autem Calisto filius, a Jove inter
sidera positus.
CAP. CVIII.-- Arcturus.
Deinde est arcturus, scilicet plaustrum, quod et
Cynosura dicitur. Haec etiam a Jove oppressa, a
Junone in ursam versa, a Jove inter astra est translata.
CAP. CIX.-- Python.
Inter duo plaustra est serpens Python, quem maximum,
Apollo post diluvium Latonae a Junone immissum,
occidit, et ob insignem virtutem inter astra
transtulit.
CAP. CX.-- Corona.
Juxta est corona, a Vulcano facta, a Baccho vero
Adrianae Minois et Pasiphaae filiae data, et inter
astra locata.
CAP. CXI.-- Hercules.
Inde Hercules sidus. Cum gigantes contra deos
pugnarent, diis in unam partem coeli venientibus,
coelum ruere voluit. Sed Hercules hoc cum Atlante
sustinuit, ideo coelum promeruit.
CAP. CXII.-- Lyra.
Huic juxta est lyra a Mercurio inventa.
CAP. CXIII.-- Cygnus.
Prope hanc cygnus, Jupiter ob amorem Laedae reginae
in cygnum est conversus, et inter astra raptus.
CAP. CXIV.-- Cepheus.
Huic conjungitur Cepheus rex, et Cassiopaea uxor
ejus.
CAP. CXV.-- Perseus.
Cui associatur Perseus, filius Jovis, et Danaes,
habens juxta se sidus Andromadae uxoris suae, filiae
Cephei regis.
CAP. CXVI.-- Deltoton.
Quibus admiscetur deltoton, quod et triangulum,
videlicet forma Aegypti, quia servavit deos a facie
Typhaei.
CAP. CXVII.-- Serpentarius.
Juxta quod locatur serpentarius, scilicet Erichthonius
qui et auriga, qui primus quadrigam
junxit, eo quod serpentinos pedes habuit. Unde et
Graece Ophyucus dicitur, ὅφις enim est serpens.
CAP. CXVIII.-- Pegasus.
Huic juxta ponitur Pegasus, scilicet equus alatus
et cornutus, igneum halitum et ferreos pedes habens,
a sanguine Gorgonis creatus.
CAP. CXIX.-- Delphinus.
Cui jungitur Delphinus, qui Neptuno Amphitritem
in conjugium adduxit, et ideo sidera promeruit.
CAP. CXX.-- Aquila.
Deinde est aquila; Jupiter in aquilam versus Ganimedem
rapuit, quem inter sidera transtulit
CAP. CXXI.-- Sagitta.
Huic subest sagitta, ab Hercule Phylocteti data,
per quam expugnata est Troja.
et arctophylax. Erat autem Calisto filius, a Jove inter
sidera positus.
CAP. CVIII.-- Arcturus.
Deinde est arcturus, scilicet plaustrum, quod et
Cynosura dicitur. Haec etiam a Jove oppressa, a
Junone in ursam versa, a Jove inter astra est translata.
CAP. CIX.-- Python.
Inter duo plaustra est serpens Python, quem maximum,
Apollo post diluvium Latonae a Junone immissum,
occidit, et ob insignem virtutem inter astra
transtulit.
CAP. CX.-- Corona.
Juxta est corona, a Vulcano facta, a Baccho vero
Adrianae Minois et Pasiphaae filiae data, et inter
astra locata.
CAP. CXI.-- Hercules.
Inde Hercules sidus. Cum gigantes contra deos
pugnarent, diis in unam partem coeli venientibus,
coelum ruere voluit. Sed Hercules hoc cum Atlante
sustinuit, ideo coelum promeruit.
CAP. CXII.-- Lyra.
Huic juxta est lyra a Mercurio inventa.
CAP. CXIII.-- Cygnus.
Prope hanc cygnus, Jupiter ob amorem Laedae reginae
in cygnum est conversus, et inter astra raptus.
CAP. CXIV.-- Cepheus.
Huic conjungitur Cepheus rex, et Cassiopaea uxor
ejus.
CAP. CXV.-- Perseus.
Cui associatur Perseus, filius Jovis, et Danaes,
habens juxta se sidus Andromadae uxoris suae, filiae
Cephei regis.
CAP. CXVI.-- Deltoton.
Quibus admiscetur deltoton, quod et triangulum,
videlicet forma Aegypti, quia servavit deos a facie
Typhaei.
CAP. CXVII.-- Serpentarius.
Juxta quod locatur serpentarius, scilicet Erichthonius
qui et auriga, qui primus quadrigam
junxit, eo quod serpentinos pedes habuit. Unde et
Graece Ophyucus dicitur, ὅφις enim est serpens.
CAP. CXVIII.-- Pegasus.
Huic juxta ponitur Pegasus, scilicet equus alatus
et cornutus, igneum halitum et ferreos pedes habens,
a sanguine Gorgonis creatus.
CAP. CXIX.-- Delphinus.
Cui jungitur Delphinus, qui Neptuno Amphitritem
in conjugium adduxit, et ideo sidera promeruit.
CAP. CXX.-- Aquila.
Deinde est aquila; Jupiter in aquilam versus Ganimedem
rapuit, quem inter sidera transtulit
CAP. CXXI.-- Sagitta.
Huic subest sagitta, ab Hercule Phylocteti data,
per quam expugnata est Troja.