AAS 6 (1914), p. 213

AGTllR)SMiGM"sÄ

COMMENTARIUM OFFICIALE

ACTA PII PP. X

CONSTITUTIO APOSTOLICA

DE REGIMINE SEMINARII MAIORIS IN CALABRIS

PIUS EPISCOPUS
SERVUS SERVORUM DEI
AD PERPETUAM REI MEMORAIM

Susceptum inde. ab initio Pontificatus humanae in Christo
instaurationis propositum ita exsequendum, Deo iuvante, duximus
ut curarum Nostrarum partem multo maximam ea sibi
vindicarent instituta, in quibus adolescentes clerici in Ecclesiae
spem succrescunt. Nemo quippe est qui non experiendo compererit,
bonos laicorum mores studiaque christianarum virtutum
adeo cohaerere cum sancta clericorum vita, ut alterum,
altero sublato, frustra quis se persequi posse confidat. Hinc perpetua
Ecclesiae cura ut a sacerdotio arceantur indigni vel non
satis idonei ministri; hinc assidua eiusdem sollicitudo ut qui
probati vocatique a Deo sunt, ad illud ita comparentur, ut bonitate,
disciplina ac scientia perutile religioni ac civitati exhibeant
ministerium.
Hisce sane de causis, oblatas numquam non avide arripuimus
occasiones ut pontificiae, hac in re, providentiae praebere-