AAS 9 (1917), p. 72
/
/
72 Acta Apostolicae Sedis - Commentarium Officiale
XVI
ALEXANDRO RUSPOLI, VIRO PRINCIPI, PERINSIGNIS TITULUS MAGNI MAGISTRI
HOSPITII PALATII APOSTOLICI TRIBUITUR.
BENEDICTUS PP. XV
Dilecte Fili, salutem et apostolicam benedictionem. - Honorificentissimum
magisterium Hospitii Palatii Apostolici praenobili familiae de
Comitibus, propter egregia illius in Beatissimi Petri Sedem promerita,
a Nostris Praedecessoribus una cum officio intimi Cubicularii Romani
Pontificis haereditario veluti iure attributum, postremo vetustissimae
gentis illius demortuo, primum atavo tuo Francisco, dein avo Ioanni,
postea genitori tuo Francisco principibus viris laudatissimis, tandem tibi,
dilecte Fili, Nostri Praedecessores concesserunt. Nunc vero cum opportunum
Nobis videatur huius amplissimi officii dignitatem augere, Apostolica
Nostra Auctoritate, praesentium vi, Magisterium Hospitii Palatii
Apostolici ab officio Cubicularii Romani Pontificis separamus. Idcirco
te, qui nonnullis ab annis Magisterio eodem magna laude fungens, e
numero Cubiculariorum ab ense et lacerna participantium, quorum es
primus, expungimus, tuaeque personae, ab aliis Cubiculariis ita seiunctae
atque in proprium et quidem singularem ordinem constitutae, perinsignem
titulum Magni Magistri Hospitii Palatii Apostolici tribuimus. Honorem
autem ac dignitatem tam conspicuam conferimus tibi, ut antiquam
tuam erga Nos et S. Sedem fidem ac praestantia in religionem merita,
quibus enites, peculiari Nostrae voluntatis significatione remuneramur.
Ac propterea mandamus, ut iura omnia, praecedentiae, aliaque privilegia,
quibus frueris, vi munerum quae imples in praesens, immutata
serves. Non obstantibus contrariis quibuscumque.
Datum Romae apud sanctum Petrum, sub annulo Piscatoris, die
xxviii maii MCMXVI, Pontificatus nostri anno secundo.
P. CARD. GASPARRI, a Secretis Status, •
/
72 Acta Apostolicae Sedis - Commentarium Officiale
XVI
ALEXANDRO RUSPOLI, VIRO PRINCIPI, PERINSIGNIS TITULUS MAGNI MAGISTRI
HOSPITII PALATII APOSTOLICI TRIBUITUR.
BENEDICTUS PP. XV
Dilecte Fili, salutem et apostolicam benedictionem. - Honorificentissimum
magisterium Hospitii Palatii Apostolici praenobili familiae de
Comitibus, propter egregia illius in Beatissimi Petri Sedem promerita,
a Nostris Praedecessoribus una cum officio intimi Cubicularii Romani
Pontificis haereditario veluti iure attributum, postremo vetustissimae
gentis illius demortuo, primum atavo tuo Francisco, dein avo Ioanni,
postea genitori tuo Francisco principibus viris laudatissimis, tandem tibi,
dilecte Fili, Nostri Praedecessores concesserunt. Nunc vero cum opportunum
Nobis videatur huius amplissimi officii dignitatem augere, Apostolica
Nostra Auctoritate, praesentium vi, Magisterium Hospitii Palatii
Apostolici ab officio Cubicularii Romani Pontificis separamus. Idcirco
te, qui nonnullis ab annis Magisterio eodem magna laude fungens, e
numero Cubiculariorum ab ense et lacerna participantium, quorum es
primus, expungimus, tuaeque personae, ab aliis Cubiculariis ita seiunctae
atque in proprium et quidem singularem ordinem constitutae, perinsignem
titulum Magni Magistri Hospitii Palatii Apostolici tribuimus. Honorem
autem ac dignitatem tam conspicuam conferimus tibi, ut antiquam
tuam erga Nos et S. Sedem fidem ac praestantia in religionem merita,
quibus enites, peculiari Nostrae voluntatis significatione remuneramur.
Ac propterea mandamus, ut iura omnia, praecedentiae, aliaque privilegia,
quibus frueris, vi munerum quae imples in praesens, immutata
serves. Non obstantibus contrariis quibuscumque.
Datum Romae apud sanctum Petrum, sub annulo Piscatoris, die
xxviii maii MCMXVI, Pontificatus nostri anno secundo.
P. CARD. GASPARRI, a Secretis Status, •